Almmuhus

Almmuhus

1,6 miljovnna sámi filmmaide

Internašunála Sámi Filbmainstituhta direktevra Anne Lajla Utsi. Vuorkágovva: Kila Anti 

Internašunála Sámi Filbmainstituhtta juolluda ruđaid sámi guhkes filbmii. 

Almmuhuvvuon: 
Bearjadat, 12 Cuoŋománu, 2019 - 15:43
Ođastuvvon: 
Ođastuvvon: 12.04.2019 - 15:44
Fáddásánit: 

Hárve ráhkaduvvojit sámi guhkesfilmmat, muhto dál lea Internašunála Sámi Filbmainstituhtta juolludan miljovnna ruvnnu Rein film buvttadeapmái «Pappa er en dansk huleboer». 

Sirbmálaš Egil Pedersen (42) guhte ássá Jessheimas áigu ráhkadit filmma 13-jahkásaš Elvira birra guhte gárgida Dánmárkui ohcat áhčis ja iežas máttuid. 

Son lea gazzan oahpu Norgga filbmaskuvllas ja lea ráhkadan eanaš oanehisfilmmaid ja musihkkavideoid 2010 rájes. 

LOGA MAID: Egil Pedersen muitalii Ávvirii iežas filbmaplánaid birra TIFF:s. 

 

600.000 dokumentáraide 

Internašunála Sámi Filbmainstituhtta juolluda maiddái 600.000 ruvnnu guovtti dokumentárii. 

Paranord Film As oažžu 300.000 ruvnnu ráhkadit dokumentára «Tystnaden i Sápmi» mii muitala nuorra sámiid vásáhusain seksuála vealaheamis ja mielladearvvašvuođa váttisvuođain. 

Vaskifilm LTD ges oažžu 300.000 ruvnnu ráhkadit politihkalaš dokumentára «AssimiNation». Dokumentára muitala mo sámit dáistalit sin eallima bealis ja čájeha man láhkai Suoma ráđđehusa politihkka lea čuohcan ja mo ain čuohcá sámiide. 

Ovdasiiddus dál