Slam-poehta Ánná Káisá Partapuoli oažžu dán jagi Coop Nord kulturbálkkašumi
– Munnje lea stuora gudni oažžut dán bálkkašumi ja dát čájeha ahte Coop Nord atná árvvus searvadahttima ja oktavuođaid. Lea hui erenomáš beassat ovdanbuktit slam-poesiija gillii man dulbme 100 jagi, ja vel oažžut bálkkašumi dán ovddas. Dat čájeha ahte leat állaneamen rievttes guvlui, dadjá skánitlaš Ánná Káisá Partapuoli Harstad Tidende aviisii.
Partapuoli oažžu 50.000 ruvnnu ja dadjá dán boahtit buorrin dáiddalaš bargguide.
– Bálkkašupmi addá munnje eanet vejolašvuođaid čállit slam-poesiija go dál in dárbbaš seamma olu bargat maŋŋel skuvlla, dadjá Anna Kaisa guhte studere oahpaheaddjin Romssas.
