-Almmuhus-
-Almmuhus-
-Almmuhus-
KULTUVRADavvi-Norgga dáiddamusea vuittii «Next Practice» NUP bálkkašumi

Davvi-Norgga dáiddamusea vuittii «Next Practice» NUP bálkkašumi

-

-

Davvi-Norgga dáiddamusea lea dán jagáš NUP-bálkkašumi vuoiti, Next Practice kategoriijas. 

Bálkkašumi vuoitit leat «hutkát ja áŋgirat sin suorggis, vaikke sis eai leat bohtosat mat čujuhit dasa, muhte sin galgá áŋke áŋgirit čuovvut boahtteáiggis», čállet NUP.   

Norgga Gehččiidovdánahttin boahtá bálkkašumi geažil dohkkehit Davvi-Norgga dáiddamusea ovdavázzin institušuvdnan dáidda- ja kulturoasis.

NUPa mielas leat Davvi-Norgga dáiddamusea otná barggut, earenomážit Sámi Dáiddamusea, buoremusat museasuorggis dán jagi.    

 

Ovdavázzi

Jury muitala manne Davvi-Norgga dáiddamusea vuittii bálkkašumi

“…go museas leat ambišuvnnat ovdánahttit sin servvodatrolla ja go musea čalmmustahtte ja áŋgiruššá. (…)

Mii illudit čuovvut mielde movt musea bargá go áigu realiseret sin višuvnna; musea mii lea heivehuvvon geavaheddjiide ja musea mii lea boahtteáigediđolaš, musea mii ođđa vugiin álggaha čoaskkadasaid ja mii lea lágát guovllu álbmoga”.  

 

Viššalis bargit

Davvi-Norgga dáiddamusea direktevra Jérémie M. McGowan muitala musea lea hui giitevaš gutni ovddas, ja sávvá geahččit, ja muđui Davvi-Norga leat lihka čeavlát bálkkašumiin go son.

Son deattuha musea bargiid viššalisvuođa go leat álggahan ealas ja rábas musea. 

– Mii áigut ain joatkit váldit gehččiid duođalaččat, ja mis lea áigumuššan ráhkadit vel ođđasit ja buoret museavásáhusaid boahtteáiggis, muitala son.   

– Mii giitit RiddoDuottarMusea, Norgga Dáiddáriid (Norsk Kunsthåndverkere), Davvi-Norgga feastaspealuid (Festspillene i Nord-Norge) ja Anchorage Museum buori ovttasbarggu ovddas dain golmma čájálmasain mat mis leat leamašan 2017is. Mii maid sávvat lihku eará bálkkašumi vuitiide ja siddjiide geat ledje nominerejuvvon, ja mii leat hui giitevaččat go leat ná buori searvvis, loahpaha McGowan.  

Davvi-Norgga dáiddamusea juohká bálkkašumi viidásit Sámi Dáiddamuseii.

-Almmuhus-