Sámi allaskuvla lágida ávvuseminára Ole Henrik Magga namas skábmamánus.
Sámi allaskuvla lágida ávvuseminára Ole Henrik Magga namas skábmamánus.
Norggabeale sámedikki vuosttaš presideanta ja Sámi allaskuvlla vuosttaš professora Ole Henrik Magga devddii 70 jagi dán čavčča.
Dán ávvuda allaskuvla seminárain.
Guorahallet Magga doaimmaid
Semináras guorahallat Magga doaimmaid sámi gielladutkin, alit oahpu ovddideaddjin, sámepolitihkkárin ja eamiálbmogiid olmmošvuoigatvuođaid ovddideaddjin.
Seminára lágiduvvo Guovdageainnus, Diehtosiiddas skábmamánu 15. beaivvi ja eambbo dieđuid dan birra gávnnat dáppe.
