Dábálaččat vázzet miessemánu 17. beaivvi ráiddu musihkkakorpsa čuojaheaddjit, muhto nu ii leat Deanus. Doppe geaseha 4-juvllat čuojaheddjiid.
Dábálaččat vázzet miessemánu 17. beaivvi ráiddu musihkkakorpsa čuojaheaddjit, muhto nu ii leat Deanus. Doppe geaseha 4-juvllat čuojaheddjiid.
Smávvagilážiin leat olu iežaset vierut miessemánu 17. beaivvi. Deanus lea njealjejuvllat njunnošis ráiddus. Dán jagi, nu go ovddit jagiid, de čohkkájedje Deanu korpsa čuojaheaddjit jorris dahje vovnnas njealjejuvllaga maŋis.
Ávvudeamit guđa báikkis
Deanu gielddas leat ávvudan Norgga našunálabeaivvi guđa báikkis odne: Deanu-šaldis, Juovlavuonas, Sieiddás, Boftsas, Mašjogas ja Sirpmás.
Deanu-šaldis álge doalut Ipmilbálvalusain Deanu girkus. Ráidovázzin ja doalut Deanu fáŋggageavahusvisttis leat muđui leamašan prográmmas.
Dá govat Deanušaldi ávvudemiin:
Sáddes áinnas govaid du ávvudemiin Deanus. Bija Instagrammii ja merke gova #avvirm17 dahje sáddes gova post@avvir.no
Maŋŋebárgga Ávviris logat eambbo ságaid Deanu-ávvudemiin.
