Álttá suohkan gilvala guovtti eará suohkanin šaddat dán jagi kultursuohkanin.
Áltá, Risør ja Ål suohkanat leat evttohuvvon 2015:i Norgga kultursuohkanin, lea Norgga kulturforum mii juohká bálkkašumi juohke nuppi jagi.
– Mii oaččuimet 16 buori ohcamuša dán jagi, ovccis válljejuvvojedje árvvoštallojuvvot fylkkadásis ja leat ge šaddan dán jagi kulturgieldan iežaset fylkkas, čállá Norgga kulturforum preassadieđáhusas.
Stuorradiggái
Geassemánu 2. beaivvi besset finalisttat Stuoradikkis muitalit iežaset birra, dan maŋŋel juohká Bearaš- ja kulturlávdegotti jođiheaddji, Svein Harberg, bálkkašumi. 2013:s geigejuvvui bálkkašupmi Troandimii ja 2011:s Sandnesii.
