Sámi Musihkkafestivála lea ožžon beakkán supernástti boahtit čuojahit Guovdageidnui dáid beassážiid.
Dan almmuha Sámi Musihkkafestivála (SMF) preassadieđáhusas odne eahket:
– Mii leat mielahis rámis go dáid beassážiid leat ožžon super-nástti boahtit čuojahit Guovdageidnui, lohká Sámi Musihkkafestivála buvttadeaddji, Nils Johan Vars.
Olu hit-lávlagat
SMF buvttadeaddji muitala ahte artistta geas lea sáhka lea ráhkadan olu nu gohčoduvvon «hit-lávlagiid» ja gos ain lea doallan konsearttaid, de leat bileahtat mannan jođánit:
– Artistta lea ožžon gehččiid mannat oalát «bananas»
Almmuhuvvo ihttin
Vars háliida doalahit festiválahasaid gealdagasas ihttážii, go easkka ihttin beaivet preassadeaivvadeamis Guovdageainnus almmuhit artistta nama.