Riikaviidosaš gažadaniskkadallan čájeha ahte badjel bealli álbmogis Davvi-Norggas gohttejit gohttensajiin jeavddálaččat. Dát guorahallan guoská sihke teltejeddjiide ja viessobiila- ja -vovdnamátkkošteddjiide. Oktiibuot leamaš lassáneapmi 10 proseanttain jagi 2013 rájes.
Riikaviidosaš gažadaniskkadallan čájeha ahte badjel bealli álbmogis Davvi-Norggas gohttejit gohttensajiin jeavddálaččat. Dát guorahallan guoská sihke teltejeddjiide ja viessobiila- ja -vovdnamátkkošteddjiide. Oktiibuot leamaš lassáneapmi 10 proseanttain jagi 2013 rájes.
Riikaviidosaš gažadaniskkadallan, man inFact lea čađahan gohttenávnnasgálvolágideaddji, Weecaravan.no, ovddas, čájeha ahte davvi-norgalaččat leat ain Norgga viššaleamos gohttejeaddjit: Olles 52 proseantta badjel 18-jahkásaš álbmogis dieđihit ahte sii gohttejit jeavddalaččat. Vástideaddji logut ovddit iskkadeamis, mii lei 2013:s, čájehit 39,6 proseantta.
Sosiálabealli ii dehálaš
Davvi-norgalaččat dieđihit ahte sii leat viššaleappot gohttet go earát: Olles 38 proseantta vástidit ahte sii gohttejit oktiibuot vahkku dahje guokte vahku jahkái.
Iskkadallan maid čájeha ahte sis ii leat dat sosiála bealli mii lea dehálaš, dušše gávcci proseantta oaivvildit sosiála bealli lea dehálaš gohttenmátkkiin. Jus buohtastahttá Gaska-Norggain, de leat fas sis 22,6 proseantta geat oaivvildit ahte sosiála ovttastallan earáiguin lea dat deháleamos gohtteneallimis.
Olgoeallin ja luondduvásáhusat
Infact iskkadallan čájeha maid ahte olles Norggas leat 35,5 proseantta geat gohttejit oktii dahje máŋgga geardde jahkái. Dat lea guhtta proseantta eanet ovddit iskkadallama ektui, mii lei 2013:s.
Olgoeallin ja luondduvásáhusat leat dat mat geasuhit eanemusat, nubbin fas sosiála eallin ja friddjavuohta, ja de bearašustitlaš luopmu mii lea álki ja vuogas.
