Namma: Anna Lisa Hætta
Ahki: 19
Guovlu: Guovdageaidnu
1. Man čađa cokkat láiggi go galggat čuoldit?
– Ohoi… mun gal in oba dieđe ge. Boastut!
Rievttes vástádus: Njuikuma
– Haha mun in livčče diehtit mii dat lea, inge livčče nagodit árvidit.
2. Maid lávejit dadjat olbmo birra gii ovtta guhku suonaid botná?
– Hmm… mun gal ferten jurddašit veaháš. Mun orun gal muitime muhto in áibbas dieđe. Ná váttis gažaldagaid ii galggašii lohpi jearrat. Mun vuollánan. Mun in dieđe. Boastut!
Rievttes vástádus: Son lea dássedislunddot olmmoš.
3. Guđe jagi molssui Kristiania nama Oslon?
– Ii dat lea nu beare guhkes aige. Orun dego muitime ahte lei juogo 1924 dahje 25. Mun vástidan 1925. Mun galggašin gal diehtit dien go ii mun leat ožžon ovttage čuoggá. Riekta!
Rukses árvádus:
Anna Lisa vállje váddáseamos ivnni árváduskátegoriijas mas sáhttá oažžut 15 čuoggá.
Guokte áhči ja guokte bártni ledje tuvrras, ja áigo boradit. Sii háliidedje moni guhtege, muhto ledje golbma moni. Mo sii de dahke?
– Guokte áhči ja guokte bártni? Háliidit go sii olles moni guhtege? Eai sii leat oainnat eará go golmmas. Dat lea áddjá, áhčči ja mánáidmánná. Juohkehaš oažžu ovtta moni. Riekta!
Galle čuoggá: 16
– Ferten goit juoga sajis oažžut čuoggáid go in buot gažaldagaid máhttán. Mun lean juobe geahččalan, boagusta Anna Lisa.
Anna lisa hástala iežas eatni, Ann-Britt Eira Sara, searvat Ávvira geassegilvui.
– Mun jáhkán ahte son sáhtášii vuoitit!
Njunnošis
Namma: Martin Rimpi
Ahki: 53
Galle čuoggá: 18
