Almmuhus

Almmuhus

– Dán geasi gal ii mannan bures

Aili Keskitalo Govven: Kila Anti (vuorkágovva)
Almmuhuvvuon: 
Vuossárga, 15 Suoidnemánu, 2019 - 17:47
Ođastuvvon: 
Ođastuvvon: 17.07.2019 - 09:32
Fáddásánit: 

Namma: Aili Keskitalo

Ahki: 50

Guovlu: Guovdageaidnu

 

1. Goabbá planehta lea stuorát: máilbmi vai Mars?

 – Mun in dieđe. Gal die lei váttis gažaldat, muhto mun jáhkán ahte min eananspábba lea stuorábut go Mars. Riekta!

 

2. Makkár sátni váilu sátnevádjasis: «Ii leat buorre go luottat ..»

 – Mun in muitte ahte mun lean gullan dien sátnevádjasa ovdal nu ahte mun ferten várra árvidit. Ii leat buorre go luottat jovgot. Boastut!

Rievttes vástádus: «haksojit.»

 

3. Geas lea govvačájáhus «Geahčadeamit Sámis»?

 – Mun geahččalan árvidit go mun in leat vuos fitnan ja geahččan dien govvačájáhusa. Gii son lea rahpan čájáhusa? Dát gal lei váttis. Mun árvidan ahte dat lea diet Gáivuona dáiddár Gjert Rognli. Boastut!

Rievttes vástádus: Torgrim Halvari.

 

Árvádus:

 – Ovtta čuoggáin gal in beasa viidáseappot. Mun válljen dalle rukses ivnni.

Maid mii buohkat bargat oktanaga?

 – Hmm… mii son dat sáhttá leat? Dien gal mun in oba dieđe. Mii várrá vuoigŋat. Boastut!

Rievttes vástádus: Boarásmuvvat.

 

Čuoggá oktiibuot: 1

 –Vuoi vuoi vuoi. Diet manai hui bures, mun jáhkán ahte lean ovdal searvan geassegilvvuide gos manai mihá buorebut. Dán gease gal ii mannan dan.

 –Geasset mus lea plána vuolgit Divttasvutnii. Mus leat guokte bargovahkku vel, muhto mun áiggun fitnat muhtin sámi doaluiguin. Háliidan fitnat Riddu Riđus, Gussanjárgga beivviin, várra finan Márkkomeanus maid. Dat ii leat riekta diekkár vuoiŋŋastan luopmu, muhto dat lea somá goitge.

Aili Keskitalo hástala Klemet Erland Hætta searvat gilvui.

– Sávan suinna manná buorebut go muinna.

 

Njunnošis

Namma: Elle Mari Dunfjell Oskal
Ahki: 23
Galle čuoggá: 17

Ovdasiiddus dál