Almmuhus

Almmuhus

Viehkat ferte smiehttat dárkilit, buhtis­nieida ges áinnas álggahit ođđa prošeavttaid

Čájáhusgovva: Anne Gro Gaup

Boahtte vahku horoskohpa guoská geassemánu 24.- 30. beivviide.

Almmuhuvvuon: 
Sotnabeaivi, 23 Geassemánu, 2019 - 09:42
Gilkorat: 
Fáddásánit: 

FIERCA 

21/3-19/4

Ale njuike dakkár áššiide maid it dovdda bures ja masa it hálit.

Galggat leat áicil manin dakkár dovddut bohtet go dahket.

Jus dovddat ilu ja áŋgirvuođa, ja dovddat buorrevuođa ja ráhkesvuođa bargguide, de álgge dan bargat.

Galggat leat várrugas amat it fáhkkestaga álgge áššiiguin bargat maid boađát gáhtat.

Čájet beroštumi sidjiide geain beroštat. 

 

VUOKSÁ 

20/4-21/5

Dán áigodagas galggat bures smiehttat ja dárkilit árvvoštallat maid háliidat. I

i buot leat golli mii šealgá.

Dál lea áigi válljet.

Mearridan vuođđu lea vuosttažettiin das gii don leat, ja iige dat mii orru álkimus ja eanemus miellagiddevaš.

Deháleamos lea ahte it dájuhuvvo hálbbesfálaldagaide, muhto baicce gávnnat guđiid vejolašvuođaid háliidat boahtteáiggis.

 

JUMEŽAT 

21/5-21/6

Lea buorre jurdda ain iežat smiehttat árvvolažžan.

Du árvu lea das gitta gii don leat, ii ge man čeahppi leat.

Guldal iežat siskkáldas gohččumiid.

Orru gal leamen ártet, muhto dat mii du siste lea, das lea buore áddejupmi dáhpáhusaide, ovdal go dat mii moivváska dáhpáhusain.

Doalat das mii lea mearkkašahtti, ja das manat viidáseappot.

 

REABBÁ 

22/6-22/7

Oahpasnuva ođđa ja amas olbmuide.

Bargga dan mii ii leat dutnje nu oadjebassan.

Čájet iežat bokte gii don leat ja das de lea buoremus boađus.

Čiehkádit garra lunddot duohkái ja dahkaluddat ahte eai leat dovddut, dat ii leat nu buorre jurdda.

Lea álo riska čájehit ráhkesvuođa ja dárbbuid.

Muhto ii dus leat maid manahat.

Eallin lea nu olu buoret eallit rabasin.

 

LEDJON 

23/7-22/8

Jus maidige áiggut addit, de smiehta addit dan mas earát movttáskit.

Ale atte dušše danin go dus lea miella leat árvvas ja fiinnis.

Mađi eanet ráhkesvuohta lea daguid duohken, dađi buorebun šaddá boađus.

Dat guoská seamma ollu ruhtadillái ja gávpeoktavuođaide, ja nu maiddái gusket ráhkesvuođa áššiide.

Dán vahkus addá oanehis vuoitu unnit árvvu go smiehttat guhkelebbui.

 

BUHTISNIEIDA 

23/8-22/9

Álggat áinnas ođđa prošeavttaid.

Mearrit jierpmálaččat ja geahča gii sáhttá veahkehit.

Ale smiehta menddo ollu gos don leat ja mat du hástalusat leat.

Smiehta maid don áiggut, ja mo dohko joavdat.

Joavkobarggut earáiguin, dat lea vuogas.

Bargga dan maid oainnát galgá bargot, ja don heammástuvat man álkit áššit sáhttet doaibmat.

Buot deháleamos: Luohte iežat árvvoštallamiidda ja oaiviliiidda.

 

VIEHKAT 

23/9-22/10

Smiehta dárkilit gii don leat ja makkár ovddasvástádus dus lea.

Galggat leat áicil go vejolašvuođat ja váttisvuođat šávihit sisa.

Dán vahkus fertet vuosttažettiin doaibmat nu mo ieš dovddat buoremusat.

Ovddit iežat dárbbuid, ja govčča daid.  

Mearrit stuorát áddejumi vuođul, it ge fáhkkestaga daguin.

Buorrestit earáid dat sáhttá leat buorre dahkku.

 

SKORPIUVDNA 

23/10-21/11

Dus lea skeaŋka man sáhtát juogadit, dán vahkus.

Geahččal máŋggalágan diliid ja váttis dovdduid, rievdat daid buoret guvlui.

Dat guoská maid du iežat dovdduide.

Áidna mii gáibiduvvo, lea daid boares bahčavuođa ja váivvesáššiid guođđit.

Buot álkimus lea boahtit dohko gosa háliidat, go daid losses áššiid dagat čuovgadeabbon.

 

BÁHČČI 

22/11-21/12

Mo bargat buoremusat dan masa lea buolli miella, dán vahkus?

Čoavddus lea álki.

Mađi viššaleappot barggat dan maid ii leat miella, ráhkadit rievttes gova masa lea buolli miella, dađi eanet oaččut ovddiduvvot dan maid háliidat.

Buori maŋis lea dávjá bahás máhku.

Atte alccet vejolašvuođa bargat dan maid lea miella.

 

BÁKTEBOHKKÁ 

22/12-19/1

Hirbmat buorre vahkku ráhkesvuhtii ja earáiguin ovttas suohtastallat.

Lea nu vuogas dál čiekŋalis ja duođalaš áššiid birra háleštit ja juogadit ráhkesvuođa ja vuorjašumiid earáiguin.

Iežas siste daid doallat iige juogadit, dat ii leat nu buorre justa dál.

Jus jáhkát ahte leat okto máilmmis ja dus dat ovddasvástádus, de it leat guovllastan doarvái bures iežat birra.

Giitte buohkaid geat du dorjot.

 

ČÁHCEOLMMÁI 

20/1-18/2

Dál lea dus buorre vejolašvuohta guođđit boares nođiid.

Láhtte iežat láhkai ja luoitte olggiidat, de sáhttá vaikke mii geavvat.

Ii leat nu buorre geahččalit divodaddat maidige, dahje oažžut buot áššiid iežat láhkai doaibmat.

Leage nu mo leat, ja ale hoigga maidige eallinvuorbái.

Buot gahččet sadjái fuomáškeahttá, ja nu doibmet ge áššit justa nu mo háliidat.

Illut iežat badjel, ja earát maid illudit du badjel.

 

GUOLIT 

19/2-20/3

Stoaga seamma ládje go guolli čázis.

Lokte oaivvi ja vuoja gosa háliidat.

Áinnas galggat njuikkodit ja gimšasaddat.

Dán vahkus ii leat nu dehálaš doallat gitta das mo earát oidnet du, ja maid sii oaivvildit ja barget.

Lea erenoamáš buorre vahkku ráhkesvuođa ja hutkás doaimmaide.

Ale váldde áššiid nu duođalažžan.

Luohte alccet, ihkkenassii maid earát oaivvildit ja makkár ráđiid oaččut.

Ovdasiiddus dál