Almmuhus

Almmuhus

Guolit fertejit vuoiŋŋastit, skorpi­ovdna ges ii galgga jurddašit ge vuoiŋŋastit

Dán vahku horoskohpa guoská geassemánu 17.-23. beivviid.

Almmuhuvvuon: 
Sotnabeaivi, 16 Geassemánu, 2019 - 08:28
Gilkorat: 
Fáddásánit: 

FIERCA 

21/3-19/4

Dutnje leat addon erenoamáš fámut dán vahkus, muhto sáhtát gal vásihit fámuid mat leat vuostá.

Deháleamos doaibma lea ge ahte it bargga ja dohkket dan mii du mielas orru boastut.

Ii gávdno makkárge johtilis geaidnu mii doalvu du buoret guvlui.

Jus nagodat gulul váldit ja stivret fámuid ja daguid gosa dat gullet, de nagodat bargat viehka ollu.

 

VUOKSÁ 

20/4-21/5

Dál ii ábut doallat njálmmi ja orrut jávojienahaga oaiviliiguin.

Jus háliidat buriid bohtosiid ja návddašit eallima, de fertet bargat dan maid don duođaid smiehtat.

Dat guoská sihke filosofalaš oaiviliidda eallimis, ja masa persovnnalaččat liikot ja háliidat.

Jus it áiggo hállat, de gaikojuvvot vihtanin.

Daga buot álkibun, geavat hállanattáldagaidat buoremus láhkái.

 

JUMEŽAT 

21/5-21/6

Dus gártet hástalusat jus lea stuorra gaska eallima ja oahpu gaskka.

Jus dajat juoga ja barggat nuppeláhkái vaikke oaivvildat eará, de das šaddá moivi.

Doalat áššái.

Bargga dan maid dajat.

Jus it luohte alccet, de it galgga vuordit ahte earát ge dahket dan.

Galggat jáhkkit alccet, de earát maid jáhkket dutnje.

Ale daga duššin dan, oainne baicce suohttasa ja ráhkesvuođa eallimis.

 

REABBÁ 

22/6-22/7

Dat mii lea mannan dat ii boađe šat, muhto das masa čavgadit doalat, dat johtilit jávká.

Dakko gokko ložžet ja mielas luoittát, das várra oaččut eanet ávkki.

Dát guoská ráhkesvuhtii ja áššiide mii guoská du oskui ja váibmui.

Don maid ávžžuhuvvot gávdnat suohttasa daid bargguin maid lea bággu bargat.

Galggat leat doaibmái, ja divtte áššiid doaibmat viidát.

 

LEDJON 

23/7-22/8

Muhtimin oainnát čielgasit stuorra vejolašvuođaid rahpaseame.

Áidna mii dan heađušta lea jus dušše guovdilasttát dan doibmii mii lea ovddabealde.

Son gii áigu duohtan dahkat nieguid, ferte dahkat dan viššalit.

Nie lea dus dál.

Don movttiiduvvot go beasat bargat dan maid leat niegadan, ja váivašuvat fas bađa ruohkkamis ja gaccaid haksimis.

 

BUHTISNIEIDA 

23/8-22/9

Oanehis lávkkit sáhttet doalvut du guhkás, beare daid rievttes lávkkiid de váccát.

Smiehta mat man álkit manai dalle go it váldán áššiid nu duođas.

Stoaga mat vehá nu, nie mo ilolaš mánát dahket.

Dalle oahpat olu johtileappot ja áššit maid válganit olu eanet.

Dus leat nu ollu jurdagat ja fuomášumit nu ahte fertet válljet maid ovddimusat barggat.

Ovtta doaimma háválassii, dat addá stuorámus ilu.

 

VIEHKAT 

23/9-22/10

Dát vahkku lea vuogas áššiid doaimmahit ja čorget iežat maŋis.

Álggat ođđa doaimmaid, muhto ale vuordde dat ovdánit nu mo don jurddašat.

Lea vejolaš ahte justa dál sáhtát bargat dan maid háliidat.

Jus it, de boahtá das ahte don leat menddo čadnon dasa mo earát ellet.

Dál fertet eanet vára váldit alddát ja eallit baicce iežat eallima.

 

SKORPIUVDNA 

23/10-21/11

Ain jotkojuvvo dat hušas áigodat mii gáibida áicilvuođa.

Ale smiehta vuoiŋŋastit gal.

Dus lea dárbu gávnnahit mo iežat návccaid geavahit.

Buoremus maid sáhtát dahkat, lea ovddasvástádusa váldit alddát ja veahkehit earáid gávdnat alcceseaset návccaid.

Ii bat dat leat somá?

Don gávnnat givrodaga go earáid veahkehat gávdnat návccaid.

 

BÁHČČI 

22/11-21/12

Dán vahkus lea dušše okta ášši mii lea du ja du nieguid gaskkas.

Dat lea doaibma.

Jus it hálit geahččalit nieguid ja višuvnnaid duohtavuođas, de lea buoremus bargat unnimus lági mielde.

Jus áiggut oaidnit ahte ráhkesvuohta dahje juoga eará šaddá duohtan, de ferte dat geahččaluvvot duohtavuođas.

Bargga gávdnat dasa vástádusa. Bargga dan. Dál.

 

BÁKTEBOHKKÁ 

22/12-19/1

Mo jus ođđa nieguid luoittát eallimii?

Don dovddat bures mii garra bargu lea ja dáhtolašvuođa bargat barggu, muhto barggat go dan guvlui?

Lea vuogas bargat juoga nieguiguin vaikke muhtimat sáhttet bilkidit dan.

Don dieđát, jus it sáhte juogadit nieguid earáiguin, de boahtá das ahte don ieš it jáhke daidda.

Dál lea vuogas áigi jáhkkigoahtit alccet.

 

ČÁHCEOLMMÁI 

20/1-18/2

Dát buori beaivvit addet dutnje ođđa áddejumi gii don leat, ja maid friddjavuohta máksá dutnje.

Don dieđát dát lea dehálaš, muhto jáhkát maid ahte friddjavuohta čoavdá buot áššiid.

Dán vahkus lea dat suohtas go áddet ahte sáhtát leat friddja, vaikke leat čadnon ja fertet daid áššiid bargat maid it hálit.

Eallin lea buot buoremus jus smiehtat dus lea friddjavuohta, ii ge dat ahte dan maid barggat justa dál.

 

GUOLIT 

19/2-20/3

Váldde áiggi vuoiŋŋastit.

Jus stoahkan vuoiŋŋastahttá, de daga dalle dan.

Romantihkka, liikosteapmi ja leat kreatiiva lea hui badjin suohtastallamis dán vahkus.

Oza oktavuođaid ja njuike eallima suohttasiidda.

Jus dus lea eanemus miella orrut ruovttus, de bovde gussiid.

Lea jallodat jus it geavat vahkku návddašit eallima ja daid somás olbmuid mat leat du birra.

Ovdasiiddus dál