Almmuhus

Almmuhus

Boahtte vahkku horoskohpa

Dás logat maid min nástegovvadulkojeaddji einnosta boahtte vahkku birra.

Almmuhuvvuon: 
Sotnabeaivi, 27 Ođđajagimánu, 2019 - 11:47
Gilkorat: 
Fáddásánit: 

FIERCA

21/3-19/4

Dál čađahat dan maid háliidat go energiijaplanehta lea nu ráfálaččat dál dán násttis, ja duosttat maid čorbmadastit beavdái jus oktage geahččala rájáid duolbmat. Muhto čorbman maid sáhttá leat badjelmearálaš dahku.

Don leat spontána ja seaguhuvvot riidduide, fertet leat várrugas vai it leat menddo diplomáhtalaš ja šiega.

Ollu doaimmahuvvo skihpáriid gaskkas. Soaitá don fertet maŋidit iežat dárbbuid vai beasat ovttastallat earáiguin. 

 

VUOKSÁ

20/4-21/5

Dus lea nana jáhkku alddát, ja čájehat maid jođihan­vuoimmi mii lea ávkin sihke skuvllas ja barggus.

Iežas ovddidanbargguin vásihat hástalusa, sihke dábiid molsut, oaidnit dili eará čalmmiiguin, ja dohppet vejolašvuođaid.

Don barggat bures earái­guin ovttas ja soaittát vel fidnet dan alccet juoga man muhtin earáin eaiggádušat ovttas. Don maid ahtanušat olmmožin jus veahkehat dahje bagadalat earáid.

 

 

JUMEŽAT

21/5-21/6

Ustibiid gaskkas leat don dál ovddasteaddji, muhto barg­ga fal iežat láhkai, vai earát eai dovdda badjelgehččojuvvomin.

Gaskavuođa oktavuođas movttiiduvvot ja ealáskat, ja dat ovddida vuorddekeahttá gaska­vuođa.

Dál, go oainnát dárbbu rájáid botket ja fieskki viiddidit, de lea vejolaš dat addá áibbas eará ja ođđa oainnu, muhto fertet maiddái hilgut daid vuordá­mušaid mat lagašbirrasis leat dutnje.
 

 

REABBÁ

22/6-22/7

Ruhtavuoitu lea boađusin das go leat juoga gáibádusa bidjan báŋkui dahje eiseválddiide, geahča mat jahkedieđáhusa vuđolaččat.

Don dovddat maid ovddasvástádusa lagaš birrasii ja ahte fertet menddo stuorra oasi váldit daid hástalusain mat ain čuožžilit.

Lea vejolaš ahte áššit mannet álkibut jus duosttat vehá ložžet suittehiid ja hálddašeami ja baicce čájehit earáide luohttámuša.

 

LEDJON

23/7-22/8

Bargodilis lea buot dábálaš barggut dál váivin, dahje ražat daiguin eanet. Rahčamušain lea vejolaš ahte ovdánat vuorddekeahttá.

Dál liikot ovttastallat earáiguin ja leat roahkkat ja ovttasbargu lea dutnje dehálaš, muhto das dárbbašat rábmojuvvot.

Danin eardu­duvvot ge olbmuid ala geat leat menddo áŋgirat. Šiega ja ráhkaduslaš daguiguin vuoittát ovdal go bastilis dajaldagaiguin.

 

 

BUHTISNIEIDA

23/8-22/9

Dál lea vuogas áigi hásta­lusaid dohppet ruovttus dahje bearraša gaskkas.

Násttis oidnojit maid sihke romantihkalaš vásáhusat ja ovdáneapmi, sáhttá leat bearaš stuorrumin dahje ahte juogalágan ášši čoavdašuvvá. Jus menddo stuorra gáibádusaid bijat alddis, de lea vejolaš ahte massát muhtin vejolašvuođa.

Barggus fertet ain doalahit detálja- ja rutiidnabargguid, muhto sávaldat lea stuorát áššiiguin bargat. Vuoitu lea geargat johtilit daid geatnegasvuođa bargguiguin.

 

 

VIEHKAT

23/9-22/10

Lea vejolaš ahte riiddut bohciidit jus leat menddo mášoheapme ja njuolggočoalat earáiguin go muđuid lávet.

Dohppe áššiid buoremus láhkai ale ge beroš duššiin. Dál leat hutkái ja dan dárbbašat duođaštuvvot rámi bokte birrasis.

Dien dárbbu čađahat gimssordeame ja suohtastallama čađa, muhto dál lea maid vuogas dilálašvuohta ovddidit dan mii guhká lea veallán čihkosis.

 

 

SKORPIUVDNA

23/10-21/11

Barggus dahje skuvllas lea dál energiija badjin, muhto soaitá ahte leat mášoheapme.

Don álggahat juoga olahan dihtii muhtin mihtu, muhto dat sáhttá gáibidit ollu návccaid ja máksit nuoskkiláhkai.

Vásihat maiddái ruhta­dili badjáneamen.

Dáidá leat lihkku, ja danin ii leat ge dál nu buorre vajálduhttit ­lotto-spealu. Guhkit áigge vuollái lea vejolaš stuorát rievdadus ekonomiijas. 

 

 

BÁHČČI

22/11-21/12

Don leat čeahppi hállat iežat ovddas, ja oažžut olbmuid iežat beallái, muhto dat lagaš áššit váldet ollu áiggi, ja menddo ollu barggut jorret jurdagiin.

Don ovdánat ja buot manná buorebut. Jus lea ballu maidige álggahit, de liikká fertet dan geahččalit, go ain jo dáiddát seaivut eatnamii.

Gilvvut movttiidahttet, ja dohppet ge hástalusaid deattuin ja movttain.

 

 

 

BÁKTEBOHKKÁ

22/12-19/1

Duođalašplanehta dagaha ahte válddát sihke iežat ja lagaš gaskavuođa duođaleabbon, ­muhto loahppavahkus boahtá ráfiplaneta dán nástái.

Don báittát luohttevašvuođain ja oaččut lagaš oktavuođa earáiguin. ­Ruovttus leat mášoheapme ja ceaggái, luoitilastte vehá olggiidat.

Ruhtadilis sáhttet fáhkkestaga ihtit vejolašvuođat, ja maiddái muhtinlágan vuoitu.

 

ČÁHCEOLMMÁI

20/1-18/2

Dál oainnát vejolašvuođaid dakko maid ovdal leat oaidnán veadjemeahttumin, ja dus leat maid návccat čađahit buot fuomášumiid mat fáhkkestaga bohtet.

Idealisttalaš joavkkut ja organisašuvnnat geasuhit, doppe ­deaivvadat iežatláganiiguin geat maid dorrot áššiin masa lea jáhkku.

Dál lea ­vuogas áigi viiddidit fieskki ja goargŋut sosiálalaččat, ođđa skihpárvuohta maid sáhttá ilbmat.

 

GUOLIT

19/2-20/3

Barggus dahje skuvllas vásihat miehtebiekka ja ovdáneami.

Ambišuvnnat ja mihtut eallimis šaddet čielgaseabbon, dus boahtá ­muhtin fálaldat man fertet válljet, ja dan livččet ovdal mahkaluššan, dahje leat duhtameahttun diliin ja dohppet váikkuhusaid.

Dál lea vuogas aigi siskkáldas doaimmaide, nu mo meditašuvdnii ja reflekteret iežat. Don sáhtát maid fuobmát geatnegasvuođaid maid leat vajáduhttán, muhto mat fertejit dahkkot.

Ovdasiiddus dál