-Almmuhus-
-Almmuhus-
-Almmuhus-
GUOIMMUHEAPMI– In jáhkkán eisege ahte vuoittán

– In jáhkkán eisege ahte vuoittán

-

-

Ávvira geassegilvu lea dál loahpahuvvon ja mis lea vuoiti. Son gii nagodii čoaggit eanemus čuoggáid, lea Katri Sarak Somby, Sirpmás eret.

Ávvira geassegilvvu maŋemuš
oassálasti, Ánne Márjá Guttorm Graven, nagodii fasket golbma čuoggá, muhto dat ii doallan joksat njunnoša.

Katri Sarak Somby searvvai Ávvira geassegilvui suoidnemánu 31. beaivvi ja vuittii maid 24 čuoggáin.

Ávvir lea humadan dáinna lihkolaš vuitiin.
– Woho man somá. Ledjen hui speantta ahte bohtet go eambbo fláksavuorbbit poasttas, boagusta son.

 

Ii jáhkkán iežas vuoitit

Katri Sarak Somby lea searvan soames quizai iežas eallinagis ja lohká dan ovdamunnin dán gilvvus, muhto ii jáhkkán gal ná bures mannat.
– In jáhkkán eisege ahte vuoittán. Lávejit hirbmat olu čeahpes olbmot searvat daidda gilvvuide, dadjá son.

Vaikko Sarak Somby čokkii dan mađe olu čuoggáid, de ii doaivvo gal ahte vaikko gii livčče nagodan daid vástidit.
– Mu mielas gal lei dan mađe ahte fertet gal máhttit veahá. Lei hui buorre ahte lei seaguhus sihke sámi gažaldagaiguin ja vel gáibiduvvui obbalaš máhttu. Olmmoš geas ii leat sámi kulturmáhttu ii livčče birgen gal daiguin gažaldagaiguin, ja dat dagai dán veahá erenoamážin, sámi quiza.

Dasa mun liikojin erenoamážit, čilge son.

 

iPad vuoitun

Min geassegilvvus lea iPad vuoitun maid Katri Sarak Somby oažžu poastta mielde.

Sus ii leat iPad ovdalaččas ja illuda oažžut iežas ođđa iPada. 

Son bohkosa go Ávvir jearrá masa áigu geavahit dan.
– He-he-he, masa mun áiggun geavahit dan go? Mun áiggun geahččat netflixa, eai go dasa láve geavahit dan, boagusta son.

Sarak Somby ii leat ovdal vuoitán dakkár gilvvuid ovdal, ii ge leat eahpádus searvá go nuppes sullasaš gilvui.
– Juo dieđusge searvvašin fas, vástida son.

 

Giitit

Ávvir giitá buohkaid geat leat searvan dán jagá geassegilvui, maiddái giitit buohkaid geat leat áŋgirit čuvvon gilvvu beaivvis beaivái.
 

-Almmuhus-