Namma: Katri Sarak Somby
Ahki: 45
Guovlu: Sirbmá
1. Goas lágiduvvui vuosttaš Sámi Grand Prix?
– Dat lágiduvvui 1990. RIEKTA!
2. Mii lea báhpačehporas?
– Rássi dat lea. RIEKTA!
3. Mot lea loahppa dán sátnevádjasis: «Ii gáhtaša gákti … »?
– Guhko! RIEKTA!
Katri máhtii visot golbma gažaldaga álgovuorus ja manná viidáseappot gilvvus liigegažaldagaide. Doppe joatká ain čoaggimis ovtta čuoggá juohke rievttes vástádusas.
Mii lea čuovgadeamos násti?
– Sirius. RIEKTA
Galle geardde rohkadallet muslimat beaivválaččat?
– Sii rohkadallet viđa geardde. RIEKTA
Mii lei Nils Gaup nuppi filmma namma?
– Dat lei dat Håkon Håkonsen. RIEKTA
Gii gávnnai mearraluotta Kiinnái?
– Lei go son Vasco da Gama. RIEKTA!
Man guovllus badjána beaivváš?
– Na, dábálaččat nuortan. RIEKTA
Mii lea monoteisma?
– Dat lea dakkár religiovdna mas lea dušše okta ipmil. RIEKTA
Maid mearkkaša go áldu ohkoladdá?
– Áldu lea ohcamin miesis go ohkoladdá. RIEKTA
Mii lea orda?
– Orda lea vuovderádji ovdal go duottar álgá. RIEKTA
Lea go oarri guhkit go iežas seaibi?
– Vuoi, dien in vuoiga dieđe. Ii leat várra. RIEKTA
Manin gohčodit varris beatnaga?
– Rávján. RIEKTA
Guđe jagi lea Sámiráđđi vuođđuduvvon?
– 1956. RIEKTA
Maid gohčodit go fierbmu dálvet?
– Dien in máhte vástidit. Lea go dalle čivttadeame? BOASTUT
Rievttes vástádus: Juoŋastit.
Katri faskii vel 11 čuoggá liigegažaldagain!
Dál beassá vel árvádusa vástidit.
Árvádusain sáhttá oažžut 5, 10 dahje 15 čuoggá. Rukses árvádusas oažžu 15 čuoggá, alit árvádusain oažžu 10 čuoggá ja ruoná árvádusain ges 5 čuoggá, ja ivnnit leat áŧestuscehkiid mielde ráhkaduvvon. Árvádusas lea minuhtta jurddašanáigi.
– Mun válddán dan mas oažžu 10 čuoggá.
Katri vállje alit árvádusa:
Go mun lean ođas de lean mun allat, go lean boaris de lean oanehaš. Mii lean mun?
– Já, diekkár viissisgažaldat dat lea! Hmm… Diet lei imaš, lea go ahki? Ii, de lea nuppeláhkai. Lea ginttal. RIEKTA!
Galle čuoggá oktiibuot: 24
– Dát lei somás gilvu. Giitu go bessen albmaládje jorahit oaivvi, ha-ha!
Juohke gilvaleaddji beassá hástalit ođđa gilvaleaddji Ávvira geassegilvui.
– De mun hástalan iežan áhči gii lea quiz-meašttir, Stein Birger Olsena.
