-Almmuhus-
GUOIMMUHEAPMIDál sáhtát 5000 ruvnno fasket dákkáraččain

Dál sáhtát 5000 ruvnno fasket dákkáraččain

-

-

Ávvir lágida dál oaggungilvvuid mas leat vuoittut sihke mánáide ja rávisolbmuide. Searvva don ge!

Ávvir lágida dán geasi oaggungilvvuid. Gilvu álgá vuossárgga geassemánu 26. beaivvi ja bistá gitta suoidnemánu 31. beaivái.

 

Searvva ná:

Dán jagi leat veahá rievdadan njuolggadusaid, muhto searvat gal lea seamma álki go diibmá ge.

Lasit gova dáppe, ja deavdde buot dieđuid guoli ja oaggu birra.

 


LUOSSAGONAGAS DAHJE -DRONNET: Dat guhte lea losimus luosa dieđihan vahkkus, oažžu gaibagahpira mas čuožžu Ávvira Luossadronnet dahje Ávvira Luossagonagas. Viđas dat ožžot dákkára dán geasi. Diibmá lei Norleif Krokmo vuosttaš Luossagonagas, dán jagi sávvat ahte beassat maiddái Luossadronnet gahpira skeŋket. Govven: Berit Marie Lise Eira

Golbma luohká

Gilvvus leat golbma luohká; Luossagonagas dahje -dronnet, Buot guolit ja Guollelihkku.

Luossagonagasgilvui sáhttá searvat dušše luosaiguin, muhto sáhtát oggon vaikke gos, beare leat vuokkain goddán dan.

Son guhte dán vahkku lea dieđihan losimus guoli, oažžu gaibagahpira mas čuožžu Ávvir Luossagonagas, dahje -dronnet jus lea nissonolmmoš.

Luossa ferte leat goddon 2017 luossabivdoáigodagas, muhto ii dárbbaš dan vahkos goddon go dieđihat luosa.

Gilvu loahpahuvvo suoidnemánu 31. beaivvi diibmu 24.00.

Buohkat geat servet leat mielde vuorbádeamis mas sáhttá vuoitit 5000 ruvnno ovddas skeaŋkakoartta.

 

Sáivaguollegilvu


SPONSE: Isan skohtergávpeeaiggát John Isak Sara sponse Ávvira sáivaguollegilvvu. Govven: Nils Johan Vars

Dán jagi leat mearridan bidjat sierra luohká sidjiide geat leat gaskkal 13 ja 100 jagi boarrásat.

Dán gilvui sáhttá searvat vaikke sáivaguliiguin, man oažžu leat goddán vaikke gos ja vaikke mo.

Áidna eaktu lea ahte lea dán geasi goddon ja ahte dieđihuvvo midjiide ovdal suoidnemánu 31. beaivvi diibmu 24.00.

Son guhte dán gilvvus goddá losimus čuovžža vuoitá 2500 ruvnno ovddas skeaŋkakoartta man ISAN skohterfitnodat sponse.

Son guhte goddá losimus rávddu, vuoitá maid 2500 ruvnno ovddas skeaŋkakoartta man ISAN skohterfitnodat sponse.

 

 

Guollelihkku

Mánáid gilvvu leat ges gohčodan Guollelihkkun.

Dása sáhttet gaskal 2- ja 12-jagi mánát searvat, vaikke makkár guliin maid mánná ieš lea goddán vuokkain.

Dás vuorbádat vahkkosaččat vuoiti, guhte oažžu oaggunstákku Finnmárkkuopmodagas FeFos.

Dasa lassin vuoitá dat mánná guhte losimus guoli lea dieđihan, 1500 ruvnno árvosaš skeaŋkakoartta.

 

Gilvui searvvat dáppe ja ollislaš njuolggadusaid gávnnat ges dáppe.

Searvva fal don ge, soaitá dus guollelihkku ja šattat gonagassan dahje dronnegin!


MÁNÁIDE VUOITUN: FeFo meahccehálddašeaddji čájeha dás vuoittuid, maid vahkkosaččat vuorbádat sin gaskkas geat servet «Guollelihkku» gilvui. Govven: FeFo

 

 

-Almmuhus-