– Vuoi, go lei álki! Girji dieđusge!

1. Goas álget beatnatbeaivvit?

– Beatnatbeaivvit? Mun galggašin diehtit dan! Ii bat leat dál suoidnemánus? Dál in muitte dáhtona, geahččalan dušše 25? Boastut!

Rievttes vástádus: Beatnatbeaivvit álget suoidnemánu 23. beaivvi

2. Makkár gussa lea «Helbmo»?

– Hm, vuorddes mat. Guigu ii leat, go guigu lea dakkár mii ii leat vel guoddán. Ii bat leat helbmo dakkár mii lea vuosttaš geardde guoddán? Boastut!

Rievttes vástádus: Helbmo lea gussa mas leat čeabeha birra dakkár dielkkut mat leat oaidnit dego helmmot.

3. Maid mearkkaša sátnevájas «Ii oahppa boađe vuordimis»?

– Na, ii bat olmmoš oahpa nu guhká go eallá? Movt galggašin čilget dien, oahpu gal oaččut go barggat, ja dalle oahpat čađat ođđa diŋggaid. Dalle šaddá nu ahte oahppu boahtá dalle go čađahat juoidá. Riekta!

Go Utsi ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás 5 čuoggá.

Utsi vállje rukses ivnni ja mii jearrat sus dán árvalusa:

Dat lea jienaheapme, muhto almmatge muitala maid dáhtut diehtit. Mii lea dat?

– Ahaa. Dat gal ferte leat áimmus go geahčat makkár dálki lea, ja nie. Masá dajan dihtor! Dat lea maid jienaheapme. Lea go son luonddus? Jienaheapme, na dat gal ferte leat diibmu! Boastut!

Rievttes vástádus: Girji

– Oh, lei álki! Mun jurddašin eará ládje. Na girji dieđusge, dat han lea jienaheapme!

Galle čuoggá oktiibuot: 1 čuokkis

Juohke gilvaleaddji beassá hástalit ođđa gilvaleaddji Ávvira geassegilvui. Johan Magne Andersen lei hástalan Frode Utsi. Ja son fas hástala Mikkel Isaksen Buljo.

– Hástalan min olbmá gii lea meahcis, son lea reaŋgan mis dál, Mikkel Isaksen Buljo!