Guovdageainnu nieida gii lei fárus tv-ráiddus «Anno», šattai guođđit tv-ráiddu go vuoittahalai gilvvus.
Tv-ráidu «Anno» lea gilvoprográmma gos oassálastit orrot ja ellet «dološáiggis». Tv-ráidu čájehuvvo NRK 1:žis.
Gilvvus lei Guovdageainnu nieida Sunna-Inga Gaup Aamot mielde, ja birgii nu bures ahte oaččui meašttirreivve go lei nagodan oahpahit eará gilvaleddjiide movt skuovaid ráhkada.
Muitalii čiegusvuođa
Go ievttá dueallas vuoittahalai Miriam vuosttá, de muitalii Sunna čiegusvuođa. Ovdal go attii buot iežas ruđaid Lars Kristian Engelbregt Grøholtii, de muitalii Sunna ahte soai eaba leat apmasat ovdalaččas.
– Go vázzen joatkkaskuvlla de oahpásnuvven ovttain nieiddain gii šattai mu buoremus olmmái, ja son lea Lars Kristian nieida, muitalii Sunna NRKii.
Soai mearrideigga čiegadit ahte leaba oahppásat, ja nu hirpmahuvve eará oasseváldit go besse gullat dan čiegusvuođa birra, čállá NRK.
Oahpai ollu
Sunna muitala ahte son lea oahppan ollu go searvvai tv-ráidui ja iešdovdui lea dahkan buori.
– Lean alcces čájehan ahte nagodan olahit bargguid. In leat goassege ovdal ráhkadan nie stuora diŋgga go daid skuovaid. Lean buorebut bargan skuvllas maid ja oahppan buorebut plánet bargguid. Lean maid oahpásnuvvan buriid olbmuide geaid sáhtán gohčodit olmmájin. Mis leat vásáhusat mat earáin eai leat, muitala son.
