-Almmuhus-
-Almmuhus-
-Almmuhus-
GUOIMMUHEAPMI– Eai vuordde skápma dego duopmobeaivvi

– Eai vuordde skápma dego duopmobeaivvi

-

-

Dálvi, muohta, buolaš ja skábma. Sevdnjesáigi mii bistá máŋga mánu hávális. Movt sáhttet davvi-norgalaččat geat orrot dákkár dilis leat lihkolaččat sevdnjesáiggis?

Davvi-norgalaččaid buorre mokta hirpmáhuhttá olles máilmmi. Stanford studeanta Kari Leibowitz bođii Tromsii dutkat man lihkolaččat olbmot leat davimus guovlluin máilmmis, dan seavdnjadeamos áiggi.

– Ii mannan guhká ovdal ipmirdin ahte Tromsalaččat eai vuordde dálvvi dego duopmobeaivin, lohká Leibowitz.

 

Hirpmahuvai

Measta jagi orui Leibowitz Tromssas ja hirpmahuvai go oinnii ahte davvi ássit ledje nu buoremielalaččat dálvvi ektui.

– Psykologat digaštallet movt galget oaidnit gii buohcá heajosmielalaš movttain dálvet. Orro leamen ahte davvi-norgalaččat máhttet buorebut hálddašit heajosmielalaš movtta dálvet, čállá Leibowitz artihkkalis mii lea almmuhuvvon The Atlantic:as.

 

Lihkolaččat davimusas

– Boađus dutkamis čájeha ahte dađi davvelii ollet, dađi movttegeabbon olbmot leat dálvet. Oinniimet stuora erohusaid olbmuin lulde ja davvin, muitala UiT lihkkodutki Joar Vittersø VG:ii.

Vittersø ja Leibowitz jáhkkiba iežaska vuosttažin geat dutkaba olbmuid jurddašanmálle skábman.

– Ean sáhte gal sihkkarat leat ahte jus ieš lea positiiva dálvái de lea olmmoš eanet duhtavaš, ja nuppe ládje. Dihte dušše ahte lea juogalágan oktavuohta dies, čállá Leibowitz artihkkalis.

 

-Almmuhus-