Min lohkkit leat jienastan Anne Madeleine Hætta govvagilvvu vuoitin ja nu son faskii 2100 ruvnno árvosaš govvenapparáhtaža.
Min lohkkit leat jienastan Anne Madeleine Hætta govvagilvvu vuoitin ja nu son faskii 2100 ruvnno árvosaš govvenapparáhtaža.
Ávvir lea dán geasi lágidan govvagilvvu, masa oaččuimet birrasiid 230 gova. Eatnašat leat juohkán daid Instagram bokte, muhto muhtimat leat maid sádden midjiide govaid e-poastta bokte.
Oaččui stuorra eanetlogu jienain
Gaskavahko álggii loahppagilvu mas ledje 12 gova mielde, guhtta dain ledje vuorbáduvvon ja guhtta gova válljii Ávvir mielde. Dan rájes leat min lohkkit jienastan, ja dál lea čielgan ahte vuoiti lea, guhte vuittii proseantta jienain.
Anne Madeleine Hætta vuittii govvagilvvu iežas lieđđegovain, son oaččui 25 proseantta jienain, ja vuittii ge oalle čielgasit. Mii sávvat olu lihkku vuoitái, guhte faskii smávva Canon govvenapparáhtaža mas árvu lea 2100 ruvnno.
Nubbin gárttai Silja Somby, 19 proseanttain jienain ja goalmmádin ges Marie Louise H. Lantto 13 proseanttain jienain. Oktiibuot ledje 194 olbmo jienastan gilvvus, go Ávvir giddii jienastanáđa.
(Ášši joatká gova vuolábealde)
Mii háliidat giitit buohkaid geat leat searvan gilvui ja čájehan midjiide iežaset geassedoaimmaid, dáppe beasat geahččat govaid maid min lohkkit leat juohkán e-poastta ja instagram bokte.
Loahppagilvvus ledje mielde:
Marie Louise H. Lantto, Marit Helene Eira, Maret Ravna Boine, John Mathis Oskal, Olaug Larsson, Aili Keskitalo, Oddbjørg Hætta Sara, Anne Madeleine Hætta, Silja Somby, Anne Karen Sara, Marit Meløy Utsi, Marit Kirsten Eira. Sin govaid oainnát dáppe.
