-Almmuhus-
-Almmuhus-
-Almmuhus-
GUOIMMUHEAPMI– Mun lean aitto lihkkan, dat lea mu šállošanágga

– Mun lean aitto lihkkan, dat lea mu šállošanágga

-

-

Álggos leat golbma gažaldaga, jus daid máhtát, de manat viidáseappot gilvvus.

Namma: Sárá Márjá Utsi

Ahki: 21

Guovlu: Hillágurra

Bargu: Studeanta

 

1. Gii lea hábmen sámi leavgga?

– Synnøve Persen. BOASTUT!

 

Rievttes vástádus: Astrid Båhl. Persena dáidda šattai leavgga álgoevttohussan, muhto ii Persenis alddis.

 

2. Deatnogáttenuoraid lávlla «Nuorravuođaeallin» álgá ná: «Iežan nuorravuođa eallinbeivviid muittašan…» Movt joatká teaksta?

– Huff, dien galggašin vel mun diehtit. Náá… ja máŋga muittu leat báhcán? BOASTUT!

 

Rievttes vástádus: «… já máŋga mun vel earáláhkái barggašin.»

 

3. Makkár jagi bođii Finnmárkoláhka?

– 2007. BOASTUT!

 

Rievttes vástádus: 2005

 

Go Utsi ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dát lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás ges 5 čuoggá.

 

Utsi vállje alit ivnni ja mii jearrat sus dán árvalusa:

Mii lean mun man ferte cuvket ovdal go sáhttá atnit?

– Dat gal lea monni. RIEKTA!

 

– Ii mannán gal nu bures, he-he. Muhto mun lean ge aitto lihkkan, dat lea mu šállošanágga. Ii oaivi leat de vel áibbas čielggas, boagusta Utsi.

 

Galle čuoggá oktiibuot: 10 čuoggá

 

Juohke gilvaleaddji beassá hástalit ođđa gilvaleaddji Ávvira geassegilvui, ja Utsi háliida hástalit Máret Elle Varsi dahje iežas áhči Áilu Utsi searvat Ávvira geassegilvui.

 

Ánne Márjá Guttorm Graven lea ain njunnošis Ávvira geassegilvvus, 21 čuoggáin.

-Almmuhus-