Álggos leat golbma gažaldaga, jus daid máhtát, de manat viidáseappot gilvvus.
Álggos leat golbma gažaldaga, jus daid máhtát, de manat viidáseappot gilvvus.
Namma: Lemet Heaika Hætta
Ahki: 27
Guovlu: Áltá
Bargu: Inšenevra
1. Mo lea loahppa dán sátnevádjasis: «Rikkisvuođa sáhttá čiehkat….»
– Dien gal in dieđe. BOASTUT!
Rievttes vástádus: …muhto geafivuođa ii.
2. Man olu olbmot orrot Kárášjogas gielddas (2014 lohku) :
a) sullii 2 700 á) sullii 2800
b) sullii 2900
– Mun vástidan sullii 2900. BOASTUT!
Rievttes vástádus: Sullii 2700
3. Maid dagat go navildat?
– Oččodan náhkis eret guolggaid. RIEKTA!
Go Lemet Heaika ii vástidan riekta buot golbma gažaldaga, de ii beasa eará árvalusa vel vástidit. Árvalusain sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses ivdni lea váddáseamos. Jus dan vástida riekta, de faske 15 čuoggá, alit ivnnis faske 10 čuoggá ja ruonás ges 5 čuoggá.
Lemet Heaika vállje ruoná ivnni ja mii jearrat sus dán árvalusa:
Mii sáhttá borrat buot, muhto jáddá čáziin?
– Dat gal ii leat eará dolla. RIEKTA!
– Mun ledjen gal berret diehtit goit moadde vel, muhto dál lea maŋimuš vahkku luomus, nu ahte lean ain luopmomodusis, reašká Lemet Heaika.
Galle čuoggá oktiibuot: 6 čuoggá
Juohke gilvaleaddji beassá hástalit ođđa gilvaleaddji Ávvira geassegilvui, ja Lemet Heaika háliida hástalit Ann Helen Guttorm Johansen searvat Ávvira geassegilvui.
Ánne Márjá Guttorm Graven lea ain njunnošis Ávvira geassegilvvus 21 čuoggáin.
