Mannan vahkku vuoiti lea govven Unjárgga girku, ja nu faskii flaxa-vuorbbi ja beassá maid mielde loahppagilvvuide. Doama don maid juohkit iežat geassegovaid minguin, gaskavahkku álgá loahppagilvu.
Mannan vahkku vuoiti lea govven Unjárgga girku, ja nu faskii flaxa-vuorbbi ja beassá maid mielde loahppagilvvuide. Doama don maid juohkit iežat geassegovaid minguin, gaskavahkku álgá loahppagilvu.
Mii leat dál vuorbádan vahkku 31 govvagilvvu vuoiti ja Olaug Larsson lea vuoiti, nu lea son mielde loahppagilvvuin maid lágidat gaskavahkku rájes. Gova leat almmuhan min báberáviissas suoidnemánu 27. beaivvi.
Olaug lea govven Unjárgga girku ja govas oaidnit ge ahte gaskaijabeaivváš lea guođđán min ja ijat leat gerpmodišgoahtán.
Loahppagilvvus mielde
Juohke vahkkus vuorbáda Ávvir govvagilvvus soames vuoiti geasa skeŋket flaxa-vuorbbi. Vuorbbis dieđusge sáhttá faskes miljovnna ruvnnu vuoittu, muhto vuoitogovat leat maiddái mielde geassegilvvu loahppagilvvus gos mii vuorbádit vuoiti buot vuitiid gaskkas. Loahppagilvvu vuoiti vuoitá govvenapparáhta.
Loga eambbo govvagilvvu birra ja geahča govaid maid olbmot leat merken #avvirgeassi gilkoriin.
Moadde beaivvi vel bistá
Dán rádjái leat 150:s juohkán geassegovaid «Instagram» bokte ja merken daid #avvirgeassi gilkoriin, dasa lassin leat maid muhtin lohkkit sádden govaid e-poastta bokte ja nu searvan gilvui. Govvagilvu bistá borgemánu 5. beaivái, váldovuoiti almmuhuvvo borgemánu 7. beaivvi.
Dál lea vel guokte beaivvi vejolaš searvat govvagilvui, mii vuorbádat vahkku 32 vuoiti gaskavahkku ja válljet dasa lassin vel govaid mat leat mielde loahppagilvvuin. Daid gaskkas beasat don jienastit vuoiti, guhte oažžu de smávva govvenapparáhtaža.
Searvva gilvui
Ávvira govvagilvui lea hui álki searvat. Go juogát iežat govaid «Instagram» bokte, de merket dáid #avvirgeassi gilkoriin. Govat ilbmet min neahttasiidui ja don leat de mielde vuorbádeamis. Jus dus ii leat «Instagram», de lea vejolašvuohta searvat e-poasta bokte. Sáddes gova redaksjonen@avvir.no čujuhussii.
