Álggos leat golbma gažaldaga, jus daid máhtát, de manat viidáseappot gilvvus.
Álggos leat golbma gažaldaga, jus daid máhtát, de manat viidáseappot gilvvus.
Namma: Ánne Biret Pulk
Ahki: 20
Guovlu: Guovdageaidnu
Bargu: Studeantta
1. Movt lea loahppa dán sátnevádjasis: “Nu movt don gilvvát…”
– Vuoi! Nu don… Hmmm. Dieđán dat lea dárogillii maid dat sátnevájas, muhto dál in muitá gal movt sámegillii lea dat loahppa. Nu don maid geasát? Haha. In mun dieđe. BOASTUT!
Rievttes vástádus: “… nu don maid láddjet”.
2. Mii lea Sámi vuosttaš aviissa namma?
– Lea go son dat Ságaid Muittalægje vai Nuortanásti. Mun vástidan Ságaid Muittalægje. RIEKTA!
3. Galle báni leat dábálaččat rávis bohccos?
– Na, mun ferten árvidit. 22. BOASTUT!
Rievttes vástádus: 34
Go Pulk ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken makkár ivnni vállje. Rukses árvalus lea váddáseamos, ja jus dan vástida riekta, de oažžu 15 čuoggá, alit árvalusas faske 10 čuoggá ja ruonás ges 5 čuoggá.
Pulk vállje alit ivnni ja mii jearrat sus dán árvalusa:
Galle ealli juohke šlájas válddii Moses iežas mielde fatnasii?
– Na 2. Vuordil mat! Ii ovttage, dan dihte go lei Noa gii válddii elliid fatnasii. RIEKTA!
– Dat manai nu movt manai. Gal mun lean ain nuorra ja ollen oahppat! Máhtten goit Sámi- ja Biibbalhistorjjá, boagusta Ánne Biret.
Galle čuoggá oktiibuot: 11 čuoggá
Juohke gilvaleaddji beassá hástalit ođđa gilvaleaddji Ávvira geassegilvui, ja Pulk háliida hástalit mielofelačča Sárá Márjá Utsi searvat Ávvira geassegilvui.
Ánne Márje Guttorm Graven lea ain njunnošis Ávvira geassegilvvus, son faskii 21 čuoggá.
