Álggos leat golbma gažaldaga, jus daid máhtát, de manat viidáseappot gilvvus.
Álggos leat golbma gažaldaga, jus daid máhtát, de manat viidáseappot gilvvus.
Namma: Bernt Roger Somby
Ahki: 30
Guovlu: Guovdageaidnu
Bargu: Diehtosiida
1. Gii lei artista gii šattai hui dovddusin «Daniels joik» luđiin?
– Ehh… Dien gal in oba dieđege. BOASTUT!
Rievttes vástádus: Jon Henrik Fjällgren
2. Manin gohčoduvvo ávnnas mainna gittiin čuohppá suinniid?
– Liššá, vástida Somby jođánit. RIEKTA!
3. Galle vuođđoskuvlla leat Guovdageainnu suohkanis?
– Na dat gal ii leat eambbo go okta. BOASTUT
Rievttes vástádus: 2, Guovdageainnus ja Mázes.
– Oja, nie bat leige, dadjá Somby.
Go Somby ii vástidan riekta buot golbma vuosttaš gažaldaga, de son ii mannan viidáseappot gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dát lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás ges 5 čuoggá.
Somby vállje rukses ivnni, ja mii jearrat sus dán árvalusa:
Mii lea dát: Dat čákŋá sisa ja olggos, iige oidno goassege?
– Buoidda, vástida Somby. BOASTUT!
Rievttes vástádus: Vuoiŋŋahat
– Eai lean beare váttis gažaldagat, muhto livččen galgat jurddašit buorebut, dadjá Somby gilvvu birra.
Galle čuoggá oktiibuot: 1 čuokkis
Juohke gilvaleaddji beassá hástalit ođđa gilvaleaddji Ávvira geassegilvui, ja Somby ii dieđe gean galgá hástalit searvat Ávvira geassegilvui.
Ánne Márjá Guttorm Graven lea ain njunnošis Ávvira geassegilvvus, 21 čuoggáin.
