Veahkki lei justa mannan nuppi biilii go Laila A. Nutti lei su dárbbašit, mo birgehallá veahki haga?
Veahkki lei justa mannan nuppi biilii go Laila A. Nutti lei su dárbbašit, mo birgehallá veahki haga?
Namma: Laila A. Nutti
Ahki: 44
Guovlu: Gárasavvon
Bargu: Allaskuvlla lektor
Álggos leat golbma gažaldaga, jus daid máhtát, de manat viidáseappot gilvvus.
1. Mii lea inuihtaid dovdoseamos fanas?
– Ja vuoi dette. Dovdoseamos fanas?
Hmm. Dat gal ferte leat káno,
ii muhto kajáhkka.
2. Mii lea Bodø/Glimta spábbačiekčanjoavkku ruovttušillju?
– Ja nu. Vuoi vuoi. Eadni lei diehtit mii lea Bodø/Glimta ruovttušillju, muhto manai juste nuppi biilii. Mus eai lean dás eará veahkit geat dien ledje sáhttit veahkehit, ja ruoŧŧelaččat eai dieđe dien. Mun in muitte gal, inge
livčče diehtit ge, lohká Nutti.
Rivttes fástádus: Aspmyra.
3. Mo lea loahppa dán sátnevádjasis: «Ii gáhtaša gákti …»
– Mun in láve diehtit dieid.
Mun in dieđe dán máilmmisge,
čaibmá Nutti.
Rivttes fástádus: … guhko.
– Mun ledjen ilá čuorbi, lohká geassegilvaleaddji maŋŋel álgogažaldagaid.
Go Nutti ii vástidan riekta buot golbma vuosttaš gažaldaga, de ii beassan viidáset dán gilvvus. Son dattetge beassá geahččalit vástidit árvalusa mainna sáhttá fásket 5, 10 dahje 15 čuoggá. Dát lea dan duohken makkár ivnni vállje. Rukses árvalus lea váddáseamos, ja jus dan fástida riekta de oažžu 15 čuoggá, alit árvalusas faske 10 čuoggá ja ruonás ges 5 čuoggá.
Laila A. Nutti vállje ruoná ivnni ja mii jearrat sus dán árvalusa:
Mas ii leat álgu, iige loahppa?
– Na bálggis. Luohti? Jaja, de ii ábut.
Rivttes fástádus: Suorbmasis
Galle čuoggá oktiibuot: 1 čuokkis.
– Mun in láve diehtit ja fertejin dieđusge válljet ruonáivnnat gažaldaga mii lea álkimus, čaibmá Nutti.
Juohke gilvaleaddji beassá hástalit ođđa gilvaleaddji Ávvira geassegilvui.
– Mun hástalan Risten Aleksandersena searvat dán gilvui, dadjá Nutti.
Njunnošis 3 čuoggáin: Brita Åse Norlemann
Geassegilvu lea deaddiluvvon otná báberaviissas.
