-Almmuhus-
GUOIMMUHEAPMIHe-he, ii dál iđitbottas nagot smiehttat

He-he, ii dál iđitbottas nagot smiehttat

-

-

Álggos leat golbma gažaldaga, jus daid máhtát, de manat viidáseappot gilvvus.

Namma: Niillas Beaska

Ahki: 32

Guovlu: Deatnu

Bargu: NSR jođiheaddji ja guolásteaddji

 

 

1. Gii lea Ságat aviissa váldodoaimmaheaddji?

– Mun logan Steinar Solaas, vaikko

dieđán dat lea boastut.

 

Rievttes vástádus: Geir Wulff

 

2. Man boaris lea Kárášjoga sátnejođiheaddji Anne Toril Eriksen Balto?

– Na..Maid son diesa galggan vástidit? Mun vástidan 40.

 

Rievttes vástádus: 38

 

3. Mo joatkkašuvvo dát sálbma: «Čále Jesus, iežat gova sihkokeahttá váibmosan…»?

– He-he, dan gal in dieđe in sulliige.

In sáhte vástidit.

 

Rievttes vástádus: «… amas illu dahje moraš veadjit eret sihkkut du.»

 

Go Beaska ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dát lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás ges 5 čuoggá.

 

Beaska vállje rukses ivnni ja mii jearrat sus dán árvalusa:

 

Morten lohká: Ovddit beaivvi ledjen mun 15-jahkásaš, ja boahtte jagi deavddán 18 jagi. Movt lea dat vejolaš?

– Vuorddes mat, ferten smiehttat.

Dat ii leat vejolaš.

 

Rievttes vástádus: Morten dajai dan ođđajagemánu 1. beaivvi ja sus lea riegádanbeaivi ođđabeairuohta.

 

– Ii dál iđitbottas nagot jurddašit, boagusta ­Beaska

 

Galle čuoggá oktiibuot: 0 čuoggá

 

Juohke gilvaleaddji beassá hástalit ođđa gilvaleaddji Ávvira geassegilvui, ja Beaska háliida hástalit NSR nuoraidlávdegotti jođiheaddji Ánde Trostena searvat Ávvira geassegilvui.

 

Njunnošis: Lemet Ánde Stueng 16 čuoggáin.

-Almmuhus-