-Almmuhus-
-Almmuhus-
-Almmuhus-
GUOIMMUHEAPMI- Go ii fuobmá, de ii fuobmá

– Go ii fuobmá, de ii fuobmá

-

-

Álggos leat golbma gažaldaga, jus daid máhtát, de manat viidáseappot gilvvus.

Namma: Anne Lene Turi Dimpas

Ahki: 37

Guovlu: Guovdageaidnu

Bargu: Psykologa

 

1. Movt lea dán sátnevádjasa loahppa: «Ii namma gean ge bilit, jus…»?

– Dieđát go, mun in dieđe dien. BOASTUT!

 

Rievttes vástádus: «..almmái ieš ii bilit dan.»

 

2. Ovdal go Ávvir ilmmai, de lei mis nammagilvu gos olbmot sáhtte evttohit nama ođđa aviisii. Gii lei gii evttohii ahte namma galgá leat Ávvir ja vuittii gilvvu?

– Laila Susanne Vars. RIEKTA!

 

3. Mii lei luođi namma mainna Jon Henrik Fjällgren searvvai Ruoŧa Melodifestivalenii dán jagi?

– Mun lean friddja dahje Jag är fri. RIEKTA!

 

Go Turi Dimpas ii vástidan riekta buot golbma gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dát lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás ges 5 čuoggá.

 

Turi Dimpas vállje ruoná ivnni, ja mii jearrat sus dán árvalusa:

 

Mii lea dat mii lea alit go buot várit ja vuollegat go buot dakŋasat?

– Hm.. Mun in dieđe dien gal, áibmu

dahje.. Daja beare dan vástádusa. BOASTUT!

 

Rievttes vástádus: Bálggis

 

– Mun in láve máhttit diekkár jearaldagaid, nu ahte mun gal lean hui duhtavaš go nagodin guokte. Sátnevádjasa livččen galgat máhttit, muhto go ii fuobmá de ii fuobmá.

 

Galle čuoggá oktiibuot: 2 čuoggá

 

Juohke gilvaleaddji beassá hástalit ođđa gilvaleaddji Ávvira geassegilvui, ja Turi Dimpas háliida hástalit girječálli Sigbjørn Skådena searvat Ávvira geassegilvui.

 

Njunnošis Ávvira geassegilvvus dál: Ánne Márjá Guttorm Graven 21 čuoggáin.

-Almmuhus-