Ávvir lágida gilvvuid mas min lohkkit sáhttet vuoitit guokte bileahta Isac Elliot konsertii.
Isac Elliot čuojaha Báktehárjjis Guovdageainnus cuoŋománu 1. beaivvi. Dan oktavuođas háliida Ávvir juohkit guokte bileahta min lohkkiide ja lágidat ge gilvvuid.
Šaddet guokte gilvvu, okta instagram-gilvu ja okta SMS gilvu.
Instagram-gilvu
Instagram-gilvvu njuolggadusat leat čuovvovaččat:
1. Dat gii lea eanemus hutkái čájehit govas dahje filmmažis cealkaga man háliidivčče Isac Elliotii oahpahit sámegillii, vuoitá ovtta bileahta su konsertii.
2. Gova dahje filmmaža ferte juohkit Instagrama bokte, dan galgá gilkorastit dahje hashtaget #avvirisac ja @avviraviisa
Muittuhus! Vai mii Ávviris oaidnit din govaid dahje filmmažiid, de ferte dis leat almmolaš instagramgeavaheaddji.
SMS-gilvu
SMS-gilvvus galget min lohkkit vástidit golbma gažaldahkii ja sáddet vástádusaid midjiide.
Gažaldagat:
1. Goas almmuhuvvui Isac Elliota vuosttaš skearru (singel) «New Way Home»?
2. Guhte dovddus sámeartista gullo Sámás Muinna kampánjalávlagis?
3. Gii/geat vuite diimmá Sámi Grand Prix lávlun- ja juoiganosiin?
Čále AVVIR (du vástádusaid) ja sádde dieđu 2470 nummarii. Dát máksá 5 ruvnnu juohke dieđu ovddas.
Vuoitu lea okta Isac Elliot konseartabileahtta goappáge gilvvus.
Loga eambbo konseartta birra dáppe: samieasterfestival.com
MIi vuorbádit bileahtaid MÁNNODAGA NJUKČAMÁNU 30. BEAIVVI diibmu 13.00
