-Almmuhus-
OĐĐASATMuhtun muddui duđavaš

Muhtun muddui duđavaš

-

-

Deanu Guovddášbellodat beassá njeljiin áirasiin gielddastivrii, mii lea beali eambbo go mannan áigodagas.

Jon Erland Balto, Deanu Guovddášbellodaga sátnejođiheaddjeevttohas, lohká iežas muhtun muddui duđavažžan bohtosiiguin.

Deanus lea masá 100 proseantta jienain lohkkon, ja sii ožžo 19,5 proseantta jienain ja nu maiddái njeallje áirasa gielddastivrii.

– Mii leimmet sávvan gaskal 4-6 áirras, ja dál fidnet njeallje ja dáinna ferte leat duđavaš. Eat juksan mihttomeari mii lei 400 jiena, dadjá JOn Erland Balto váile logis vuossárgga eahkeda go Ávvir čuojahii sutnje.

Vaikke Deanus leat ge measta visot jienat lohkkon, de galget vel maŋŋebárgga lohkkot muhtin ovdagihtiijienat ja nu sáhttá válgaboađus rievdat.

 

Dássážii lea válgaboađus ná Deanus:

Bargiidbellodat: 39,8 %, 8 áirasa (-1)

Guovddášbellodat: 19,5 %, 4 áirasa (+2)

Deanu sámelistu: 11,5 %, 2 áirasa (+2)

Gurut: 9,1 %, 2 áirasa (+1)

Ovddadusbellodat: 7,5 % 1 áirras, (-1)

Olgeš: 6,6 %, 1 áirras

Sosialisttalaš Gurutbellodat: 6,0 %, 1 áirras

Oktiibuot: 19 áirasa 

 

-Almmuhus-