Almmuhus

Almmuhus

- Dál lea dehá­leamos geavahit jienastan­vuoigatvuođa

Deanu Ovddadusbellodatnjunoš Morten Blien. Govven: Inga Marie Guttorm

Beakkán čáhceskohtervuoddji Morten Blien lea Deanu Ovddadusbellodaga sátnejođiheaddjievttohas, sus lea čielga ávžžuhus álbmogii. – Geavat jienastanvuoigatvuođa. Mearrit dál ja jienas gean háliidat galgá stivret boahtte njeallje jagi, lohká Blien.

Almmuhuvvuon: 
Vuossárga, 9 Čakčamánu, 2019 - 14:41
Fáddásánit: 

Válggagižžu lea dál loahpahuvvon, ja odne lea maŋemuš beaivi fitnat jienasteamen gielda- ja fylkagieldaválggas.

Válgabeaivvi lea Ávvir Guovdageainnus, Kárášjogas, Leavnnjas ja maiddái Deanus.

 

– Gelddolaš beaivi

Deanus deaivvadat Morten Blieniin guhte lea Deanu Ovddadusbellodaga sátnejođiheaddjeevttohas, ja lohká ahte odne lea deháleamos geavahit jienastanvuoigatvuođa.

– Lea oalle gelddolaš beaivi, lea go leamašan ávki čalmmustahttit iežas politihka maŋemuš golbma vahku. Dál lea jienasteddjiid duohken mearridit háliidit go rievdadusaid vai eai. Mii leat loahpahan válggagičču, dál návddašan dušše beaivvi ja ságastalan olbmuiguin geat leat jienastan. Geahččalan dál garvit sin geat eai leat jienastan, ja dál dušše ávžžuhan olbmuid jienastit, dadjá Morten Blien.

 

 

 

Ovdasiiddus dál