Almmuhus

Almmuhus

Jumežat galget čájehit dovdduid, fierca ges veahke­hallat earáid

Dás beasat lohkat maid astrologa einnosta boahtte vahkku dáfus.

Almmuhuvvuon: 
Sotnabeaivi, 8 Čakčamánu, 2019 - 14:25
Gilkorat: 
Fáddásánit: 

FIERCA 

21/3-19/4

Dál lea hui buorre áigodat veahkehallat earáid.

Loahpas vahkku beasat oaidnit ahte veahkkálasvuohta boahtá buorrin máiddái dutnje.

Dá ii leat metafora dahje ráđđi dutnje, muhto baicca áddejupmi das mo visot doaibmá dal.

Dat mii guoská earáide, guoská maiddái dutnje, ja nuppe guvlui.

Ale geahččal leat čáffat ja čeavlái. Leage nu váibmoláđis ja hearki go sáhtát. 

 

VUOKSÁ 

20/4-21/5

Ale bija návccaid jurddašit maid galggat olahit áššiiguin dahje mo boađus šaddá.

Leaš dál sáhka barggus, ráhkisvuođas dahje ságastallamiin, de lea čábbodat buot deháleamos.

Nuppiid sániiguin: Daga dan maid háliidat ja daja maid oaivvildat, ovddasmorrašiin ja ráhkisvuođain.

Dat dahká ahte boađus šaddá olu buoret.

Buot gahččá sadjái nu guhká go deaividat áššiid eallimis viissisvuođain ja hutkáivuođain.  

 

 

JUMEŽAT 

21/5-21/6

Leage árjjas ja čájet dovdduid doaimmaid bokte.

Loahpas vahkku soaittát dovdat ahte earát maid galggaše čájehit eambbo beroštumi, dahje unnimusat addit albma máhcaheami bargguide.

Liikká galggat čájehit maid don dovddat ja jurddašat.

Ale bala addimis eambbo go maid oaččut ruovttoluotta, dahje čájeheames luohttevašvuođa.

Doalaheapmi ja mahkaluššan dagaha ahte don hilljánit ovdánat doaimmaiguin. 

 

REABBÁ 

22/6-22/7

Dán vahkku lea buoremus geahččat ollislašvuođa.

Maid lea buoremus dahkat dain iešguđet dilálašvuođain?

Ale darván dušše iežat ja lagamusaid dárbbuide.

Dat sáhttá dagahit ahte don it oainne mo dilli lea, ja mii duođai lea dehálaš.

Dál lea dehálaš čájehit ovddasmorraša ja ráhkisvuođa buohkaide.

Dál lea buorre vahkku sidjiide geat ráhkistit.  

 

LEDJON 

23/7-22/8

Leage várrogas mo don doibmet bargguid ja mo don geavahat iežat vejolaš fámu.

Dán áigodagas beasat oaidnit man olu ilu dat buktá go attát earáide vejolašvuođa šaddat gievrrabun.

Ale gilvvohala earáiguin.

Dan lea rievtti mielde hui álki.

Mađi eambbo saji attat earáide, dađi buoret dutnje.

Návddaš eallima ja illut buot olahusaiguin. 

​​

 

BUHTISNIEIDA 

23/8-22/9

Dál fertet geavahit iežat máhtu.

Vuosttažettiin fertet diehtit mo dus galgá leat, ja maid jáhkát leat buoremussan.

Boahtte lávki lea oažžut earáid seamma jurdagiidda.

Jus dat ii mana, de fertebehtet soabadit ja gávdnat čovdosiid mat gokčet buohkaid sávaldagaid.

Dávjá lea jierpmálaš čatnat oktii čovdosiid, ja don vásihat ahte boađus šaddá buoret go maid ledjet jurddašan. 

 

 

VIEHKAT 

23/9-22/10

It don geahččal juoga ođđa?

Boares sátnevájas dadjá ahte soahti ii leat buoremus, muhto baicca dat go muhtin háliida juoga.

Dán sátnevádjasa galggat duođas váldit.

Gii galgá du nieguid ollašuhttit jus it ieš daga dan?

Soaittát sávvat ahte earát ollašuhttet du nieguid, muhto dan gal oaččut beare vajálduhttit.

Váldde eallima iežat háldui.

Don galggat ollašuhttit iežat nieguid, itge earáid. 

 

 

SKORPIUVDNA 

23/10-21/11

Gos gávnnat don ráfi?

Soaittát baicca háliidit riidduid ja rieja?

Dán vahkku it dárbbat veahki masage.

Dat deháleamos lea baicca mo dus lea dilli.

Dat mii geavvá máilmmis, dat speadjalastá du dilii dán vahkku.

Ale atte earáide vejolašvuođa mearridit mii galgá geavvat.

Dat lea du ovddasvástádus, sihke buori ja heajos áiggis. 

 

BÁHČČI 

22/11-21/12

Vahkkobeaivvit gáibidit dus olu dál.

Go vahkkoloahppa boahtá, de beasat vuoiŋŋastit ja návddašit eallima.

Sii geat leat lohpidan veahkehit earáid, fertejit doibmet bargguid, ii ge šat maŋidit.

Muitte fal čuovvut mielde.

Jus doaivvut ahte barggut gárvanit iešalddis, de sáhtát eahpelihkostuvvat eallimis.

Bija leahtu, seammás go leat gozuid alde. 

 

BÁKTEBOHKKÁ 

22/12-19/1

Álggus vahkku leat olu áššit mat gáibidit du beroštumi.

Dál ii leat áigi velohallat ja váldit gulul.

Dál dus leat sihke dávvirat, vuoibmi ja áŋgirvuohta čađahit doaimmaid.

Áidna maid fertet váruhit lea ahte oaččut johtui doaimmaid.

Go vahkkoloahppa boahtá, de galggat návddašit eallima ja ovttastallat iežat lagamusaiguin. 

 

 

ČÁHCEOLMMÁI 

20/1-18/2

Jus leat eahpesihkar galggat go geassádit dahje ollasit mannat sisa, de lea vástádus ahte galggat olles váimmuin mannat doibmii.

Friddjavuohta lea go dáhtolaččat doibmet áššiid mat čatnet du lohpádusaide, šiehtadusaide ja oktavuođaide main it šat beasa eret.

Atte iežat lohpádusa ja doalat dan boahtteáiggis.

Du friddjavuohta lea go duostat leat ieš, beroškeahttá váikkuhusain. 

 

 

GUOLIT 

19/2-20/3

Dat guhte ii geahččal, ii vuoitte.

Dus lea stuorra vejolašvuohta dál beassat vásihit gelddolaš doaimmaid, muhto seammás dovddat eahpesihkarvuođa go ii leat dáhkádus doaimmas.

Doaibma sáhttá buktit váttisvuođaid, dahje sáhttá leat dat buoremus mii lea geavvan du eallimis.

Ale divtte balu bissehit iežat.

Váldde vuostá eallima rabas gieđaiguin.

Čájet earáide dovdduid doaimmaid bokte.

Dat mearkkaša eambbo go lohpádusat ja čáppa mojit.

Ovdasiiddus dál