Lagabui 5000 studeantta álget ohppui Norgga árktalaš universitehtii Romsii vuossárgga.
Vuossárgga borgemánu 12. beaivvi lea almmolaš rahpan universitehtas.
UiT Campus Romssas váldet rektor Anne Husebekk, sátnejođiheaddji Kristin Røymo ja jođiheaddji Studeanta-parlameanttas vuostái ođđa studeanttaid.
Dán jagáš váldosárdnideaddji lea Torgeir Knag Fylkesnes. Maiddái musihkka lea rahpanduoluin.
– Mii sávvat báikkálaš, regionála, riikka ja riikkaidgaskasaš studeanttaide bures boahtima. Mii leat ilus go leat válljen UiT, dadjá rektor Anne Husebekk.
