-Almmuhus-
OĐĐASATJuohke nubbi ii geahččal buollinrutiinnaid ruovttus

Juohke nubbi ii geahččal buollinrutiinnaid ruovttus

-

-

54 proseanttas ii leat leamaš buollinhárjehallan ja geahččan báhtarangeainnuid ruovttus. –Ii leat ovddasvásttolaš, dadjá buollináššedovdi. 

10 proseantta olbmuin, geaid leat jearahan, eai muitte goas maŋemus lea leamaš buollinhárjehallan ruovttus ja dušše 15 proseantta olbmuin leat doallan buollinhárjehallama maŋemus jagi, čájehit logut maid youGov lea čađahan Frende Forsikring ovddas. 

– Lea bággu diehtit maid galgá dahkat jus buollá. Sekunddat maid geavaha eahpidit sáhttá leat heaggaváralaš. Ferte diehtit juste maid dahká jus buolligoahtá, muitala Frende Fosikring buollináššedovdi Øystein Øren ja ávžžuha čađahit buollinhárjehallama ruovttus nu jođánit go vejolaš.  

Diŋggat maid berret dahkat

  • Iskat buollinčáskadan­rusttegiid
  • Iskat buollinbáhtaran­geainnuid
  • Iskat rahpasiit go uvssat ja láset
  • Geahččalit buollin­geainnuid
  • Iskat válu go mihkke, jus váilu, de oastit ođđa
  • Šiehtađit buollinhárjahallan­dáhtona. 

Gáldu: Frende Forsikring

 

Hárjehallet barggus, muhto eai ruovttus 

– Eatnasiin leat buollinhárjehallamat barggus, skuvllas ja mánáidgárddis, muhto lea liikká dehálaš hárjehallat dan ruovttus gos oađđá ja orru. Eanas buollimat čuožžilit ruovttus, ja buohkat berreše diehtit maid galget dahkat. Dan čállá  Bergen buollinčáskadeddjiid eastadanjođiheaddji Janice Larsen.

Larsen muitala maid ahte ii váldde ollu áiggi čađahit buollinhárjehallama ruovttus, muhto dat addá oadjebasvuođa. 

 

Čorgadisvuohta gádju heakka

Jus buollá ruovttus, de ii leat áigi moivet.

Ii astta jurddašišgoahtit ja ferte leat jođán reageret. 

Larsen muitala ahte jus buollá, de ii leat áigi jurddašišgoahtit gos báhtarangeainnut leat, gos buollinráidalas lea, gos buollinčáskadanrusttegat leat ja movt daid geavaha.  

-Almmuhus-