Almmuhus

Almmuhus

Lasihan meahcce­buollin­gearggus­vuođa Davvi-Norggas

Davvi-Norggas ii leat máŋgga vahkkui arván, ja gearggusvuohta buollimiidda lea lasihuvvon dál. Čájáhusgovva: Fredrik Hagen / NTB scanpix

Lea unnán arván davvin maŋemus vahkkuid, lea báhkka ja ollu báikkiin lea eana buot goikan, lohká DSB ja vároha olbmuid dolastit dál.

Almmuhuvvuon: 
Maŋŋebárga, 23 Suoidnemánu, 2019 - 14:33


Buollinvárra stuorru Nordlánddas, Romssas ja Finnmárkkus dál, ja dál lea meahccebuollinhelikopter gearggusin Romssas, lassin dan helikopterii mii lea gearggusvuođas Sandefjordas.


– Geasset leat maid máŋggas geat vánddardit luonddus. Mii leat válljen lasihit gearggusvuođa ja lea okta helikopter Romssas mii lea gearggusin loktanit, lohká DSB direktevra Cecilie Daae preassadieđáhusa bokte.

Iskka makkár njuolggadusat du suohkanis leat ovdal dagat dola. Neahttasiiddus sikkerhverdag.no sáhtát lohkát eambbo dan birra maid dagat jus eana buollá, ja maid berret diehtit ovdal go dagat dola.

 

Fállejogas, Álttás, lei ge buollin álggus dán vahkku, maid guhká barge jáddadit.

Ovdasiiddus dál