Almmuhus

Almmuhus

Horoskohpa

Vuorkágovva

Dán vahku horoskohpa guoska Suoidnemánu 15.-21. beivviide.

Almmuhuvvuon: 
Sotnabeaivi, 14 Suoidnemánu, 2019 - 20:01
Gilkorat: 
Fáddásánit: 

FIERCA

21/3-19/4

Daddjo ahte soađis ja ráhkisvuođas lea buot lohpi.

Muhto ii fal dán vahkus.

Obanassiige ii leat heivvolaš dán vahkus maidige bágget earáid.

Ráhkisvuođain doaibmá dál olu buorebut.

Lea eanet ávkkálaš leat šiega ja hávskin, ovdal go nággár ja vuoibmái.

Ale bágge earáid bargat nu mo dutnje heivešii, muhto čájet baicce šiega- ja buorrevuođa.

VUOKSÁ

20/4-21/5

Dál lea áigi geahppasit bargat.

Bargga dan maid áiggot, ja doala dan maid lohpidat.

Mađi geahppasabbon dagahat eallima, dađi buoret šaddá.

Bija eret váttisvuođaid, ja hoigat eret vuorjašumiid ja ráfehisvuođaid.

Du bargu lea dál čájehit lagašvuođa ja váimmoláđisvuođain olbmuiguin deaivvadit.

Orru gal leamen hui banála, muhto rievttes dálkkas váttisvuođaide lea buorrevuohta ja ráhkisvuohta.

JUMEŽAT

21/5-21/6

Dan maid dál smiehtat álgovahkus, dan barggu fertet dahkat loahppa vahkus.

Ane árvvus fysalaš doaimmaid, ja illut dainna.

Jus lea juoga maid it leat vel bargan dahje dadjan, de lea dál áigi dan bargat dahje dadjat.

Fertet gal leat várrogas maid dajat, dat sáhttá vásihuvvot loavkašuhttin dahje doarjjan.

Smiehtas mo sáhttá čuohcat earáide ovdal maidige dajat áššiid birra mat earáide mearkkašit ollu.

REABBÁ

22/6-22/7

Dál gal it beasa eret.

Dan maid dál leat álggahan, das leat váikkuhusat.

Geahččal oažžut balánssa gaskal hámi ja sisdoalu.

Doaimmat ahte dat olgguldas lea buorre, muhto das galgá leat maid dievas sisdoallu.

Jus leat váldán badjelasas ovddasvástádusa ja leat nanus dainna, de sáhtát dohppet daid ollu vejolašvuođaid mat ain bohtet.

Ruhtadili fertet doalahit ortnegis, muhto návddaš liikká eallima ollásit.

LEDJON

23/7-22/8

Dát vahkku de addá dieđu man duođalaš don leat iežat vuostá.

Jus it heivet oktii iežat árvvuid ja nieguid, de ii oktage daga dan du ovddas.

Fertet ieš váldit ovddasvástádusa iežat eallimis.

Bargga dan mii dutnje lea dehálaš, ja ale ge vuordde dassážii go leat geargan bargamis buot bargguid.

Dađi bahábut it geargga eará bargguin goassige.

Dál fertet iežat várás daid bargat.

 

BUHTISNIEIDA

23/8-22/9

Du jurdagat šaddet čielgaseabbon vahkku mielde.

Liikká sáhtát dadjat maid don smiehtat ja oaivvildat.

Dál lea áibbas vuogas áigi smiehtadit gii don leat, ja maid áiggut ja masa dus duođai lea miella.

Jus menddo sakka guldalat earáid, de šaddá beare moivi.

Luohte alccet, ja eale iežat árvvuiguin ovttas.

VIEHKAT

23/9-22/10

Dál lea dárbbašlaš nuppástuhttit.

Jus dovddat iežat stirdon, de luvve eret boares dábiin ja dovdduin.

Jus áibbašat juoidá ođđa ja buoret, de lokte bađat ja álgge doaibmat.

Don it sáhte luohttit ahte earát galget du ovddas áššiid ordnet.

Dat mii dáhpáhuvvá ja maid vahkus doaimmahat, dat lea ollislaččat du duohken.

Bargga juoidá ja mearrit mo ja maid don háliidat.

SKORPIUVDNA

23/10-21/11

Dál lea buot das gitta maid don dovddat, ja gii don leat siskkáldasat.

Jus it dieđe maid áiggut, de guorahala vuđoleabbot iežat.

Dán vahkus lea olu somát oadjebasat čuččodit julggiid alde, ovdal go faŋkát olaheames nieguid ja áigumušaid.

17. beaivve de čuvggoda eanet dat áigumuš, ja maid dárbbašat.

Dalle lea beare dohppet vejolašvuođaid ja álggahit.

BÁHČČI

22/11-21/12

Galggat leat optimista.

Juohke beaivvi ovddiduvvojit du áigumušat.

Vejolašvuođat bohtet, ja fálaldagat leat vaikke man ollu.

Dutnje lea bargu válljet vejolašvuođaid gaskkas.

Čuovo nieguidat, muhto várut ahte it fillehala čáppa lohpádusaide.

Jus dovddat ahte movttiiduvvot ja áŋgiruššan lassána, de illut dainna, ja divtte inspirašuvnna ofelastit dan botta.

Muitte: Don sáhtát beare juogadit dan mii dus lea alddis.

BÁKTEBOHKKÁ

22/12-19/1

Rašesvuohta ja hearkkesvuohta vázziba dávjá giehtalaga.

Dán vahkus sáhtát nuollat daid mat suddjejit du.

Lagašvuohta ja dat garrasit čuohcan vázzet álásvuođa ja rašesvuođa dovdduin.

Báktebohkás lea duohtavuođas dat stuorámus givrodat dalle go sáhtát čájehit headjuvuođa.

Nu ahte dán vahkus fertet hárjehallat givrodaga, dan seammas go leat headju.

ČÁHCEOLMMÁI

20/1-18/2

Gaskavahkku lea erenoamáš beaivi.

Čáhceolbmás lea vejolašvuohta áddegoahtit dan, go earáid lahka lea, de lea ollislaš ieš.

Don sáhtát nuppástuhttit juoidá iežat siste ja áddegoađát maid ahte áŋggáštus ja dáhtolašvuohta juogadit ja dasa čadnot, dat lea dat lunddolaš friddjavuohta Čáhceolbmái.

Dat lea áitosaččat viehka álki.

Eale iežat láhkai, ja das lea dat friddjavuohta.

GUOLIT

19/2-20/3

Guliide lea dát vahkku buot buoremus ávvudit ustitvuođa, čábbodaga, dáidaga ja dat mii duođaid lea mearkkašahtti sutnje.

Geavat unnimus áiggi dasa mii ii leat mearkkašahtti, ja bija eanemus áiggi dasa masa eanemusat liikot, ja mii buktá dutnje eanemusat ávkki.

Bargga dan maid eanemusat háliidat, ja ale ge beroš menddo ollu maid earát smihttet ja oaivvildit.

Ráhkisvuohta dalle go it leat iešráhkis lea buorre jurdda, jus dan láhkái dovddat.

Ovdasiiddus dál