Almmuhus

Almmuhus

Sihke reabbá ja skorpiovdna ferteba dárkilit jurdilit boahtte vahkus

Vuorkágovva

Dán vahku horoskohpa guoská suoidnemánu 8.-14. beivviide. 

Almmuhuvvuon: 
Sotnabeaivi, 7 Suoidnemánu, 2019 - 10:16
Ođastuvvon: 
Ođastuvvon: 07.07.2019 - 10:16
Gilkorat: 
Fáddásánit: 

FIERCA

21/3-19/4

Dát vahkku gáibida johtilis mearrádusaid ja daguid.

Dat sáhttá mannat nu johtilit ahte massát hálddašeami.

Mearrideaddjin lea ahte it garvve váttisvuođaid, muhto árvvoštalat daid ovdal go barggat maidege.

Jus áiggut bárttiid garvit, de galggat muitit daid guhkesáigge váikkuhusaid daguin.

Muitte ahte boahtteáiggis fertet váldit ovddasvástádusa iežat daguin maid barggat dál.

 

VUOKSÁ

20/4-21/5

Váttis mearrádusat leat šaldin geainnus mii buktá friddjavuođa ja ráfi.

Jus háliidat vásihit juoidá mas lea árvu ja vuogasvuohta ja háliidat ollašuhttit dan, de fertet leat mielas bargat gáibideaddji bargguid mat leat olggobealde du oadjebasvuođa dili.

Veaháš váivvesdilli sáhttá addit ilu.

Dat seamma guoská friddjavuhtii, ja dáhtolašvuohta guođđit juoidá oažžun dihtii friddjavuođa lea maid muhtin vejolašvuohta dán vahkus.

 

JUMEŽAT

21/5-21/6

Dál lea bahá moivváskit.

Sáhttá maiddái geavvat nu ahte du birra dáhpáhuvvá nu olu ahte it bálljo nagot čuovvut mielde.

Dat maid dajat ja maid earát dadjet lea máŋgii heammástahtti.

Don it sáhte bohtosiid lohkat ovdalgihtii.

Ale golat áiggi menddo ollu plánemiidda ja bohtosiid árvvoštallamii.

Dohppe áššiid smiehtakeahttá ja daga dan buoremusa.

 

REABBÁ

22/6-22/7

Orut máŋgii čadnojuvvon máŋgga lágan dárbbuide ja áššiide maid galggat válljet.

Smiehttat maid áiggut, ja maid eallimis áiggut, lea dehálaš dán vahkus.

Ale beroš daid dábiin mat leat leamaš ja maid earát bearrašis oaivvildit du birra.

Dál lea erenoamáš vejolašvuohta luvvet iežat eret boares lohkašuvvamiin ja ráddjemiin.

Guođe earáid vuordámušaid ja bargga dan maid ieš háliidat.

 

LEDJON

23/7-22/8

Divtte sániidat ja daguid heivet bures oktii.

Ale lohpit maidege maid it sáhte čuovvolit dalánaga.

Máŋgii fertet dahkat dan bákkus.

Dát vahkku lea buorre doaimmahit ja gávnnahit eallimis oaivila.

Luoitte daid ovddeš dábiid ja daguid.

Jus áššit hágganit, de divtte dan dahkat.

Doppe boahtá boahtteáiggis ain ođđa mii lea buoret ja heivvolaš dutnje. «Walk your talk».

 

BUHTISNIEIDA

23/8-22/9

Muhtin oassi dus lea alo ohcalan dan čorgadis- ja epmolašvuođa.

Iskka ja guldalatta dan maid duohtavuođas áibbašat ja ozat.

Bija áinnas mihtuid mat leat badjel rájá ja veadjemeahttun olahit.

Dalle lea dušše johtit dan guvlui masa háliidat, jus dus lea miella ahte boahtteáiggis galgá leat juoga mii dus dál váilu.

 

VIEHKAT

23/9-22/10

Jus dus lea dárbu prošeavttaid álggahit mii guoská ruhtadillái ja bargui, de lea dál dasa dat vuohkkaseamos áigi.

Luohte iežat dovdduide mat gusket árvosaš áššiide.

Iskka geasa sáhtát luohtit, ja oainne mii doaibmá.

Dus lea nana čađahanattáldagat ja álkkes geaidnu suksessii go vuos álggahat maidege.

Ale hilggo daid vejolašvuođaid.

 

SKORPIUVDNA

23/10-21/11

Jus leat oahppagoahtán juoidá ođđa, de lávket dainna guhkás ovddasguvlui.

Smiehta čiekŋalit.

Lea hui vuogas čuovvut buot mii dáhpáhuvvá du birra.

Du sáhkkiivuohta bálkkašuvvo buori dieđuiguin ja dehálaš áicamiin.

Šlárvavuohta ja čárvvučalmmit dagahit dárbbašmeahttun givssiid ja headjuvuođaid.

Hálddaš iežat eallima, ja leage dihtomielalaš hállamiin ja daguiguin.

 

BÁHČČI

22/11-21/12

Eallin gáibida duođaid ahte leat dás.

Dál ii leat nu vuogas niegadaddat.

Ale smiehta ihttáža birra, muhto leage das gos dáhpáhusat gevvet.

Heivet iežat dan birrasii gos leat. Jus du oaivilat galget dohkkehuvvot, de eale ovttas daiguin.

Ale geahččal earáid jáhkkihit ahte dus lea riekta.

Duođaš baicce ahte dus lea riekta iežat vuohkái juohkebeaivválaš eallimis.

 

BÁKTEBOHKKÁ

22/12-19/1

Maid dal jo deaividat de it galgga liikká leat njuolggočoalat.

Fuomáš mo earáin lea, ja mo sii reagerejit dutnje.

Jus áiggošat oažžut nu mo háliidat, de fertet geavahit dakkár vugiid mat sin fátmmastit.

Guldal áinnas earáid ja geahča maid sii háliidit, ja mii sidjiide lea dehálaš.

Go dan de áddet, de sáhtát buorebut ovttasbargat ja fuolahit ahte buohkaide lea ávki das mii dáhpáhuvvá.

 

ČÁHCEOLMMÁI

20/1-18/2

Ale vuordde ahte earát áddejit maid don dajat.

Ráhkkan dasa ahte fertet máŋgii dadjat dan seamma.

Galggat leat gierdevaš iežat olbmuin.

Das lea stuorámuš vejolašvuohta oažžut nu mo háliidat.

Digaštallamat ja riiddut sáhttet leat somán, muhto várut ahte it buđđos nu ahte loahpa loahpas sáhttet šaddat váibadahtti ja ulbmilmeahttun dadjamušat.

Doalat iežat áššiid ortnegis ja divtte earáid váruhit iežaset áššiid.

 

GUOLIT

19/2-20/3

Don fertet čorget iežat ja earáid maŋis dán vahkus.

Ale guođe maidege ovdal go leat geargan ja buot leat ortnegis.

Buot maid vikkat čiehkat, dat fas ihtet ja oidnogohtet dalle goas it leat vuordimin.

Siskkáldasat dovdagoađát áibbašeami ja ohcagoađát juoidá maid ieš it dieđe.

Ale váldde dan nu lossadit.

Almmut dan baicce sániid, sárgumiid dahje njuohtama bokte.

Dahje lávles muhtin lávlaga mii gaskkusta dovdduid.

Ovdasiiddus dál