-Almmuhus-
OĐĐASATDievdu áššáiduhtton neahttaveagalváldimis

Dievdu áššáiduhtton neahttaveagalváldimis

-

-

Muhtin dievdu Romssas lea áššáiduhtton neahttaveagalváldimis go galgá leat veagalváldán vuollel 14 jahkásaš mánáid Filippiinnas, čállá NTB. 

Muhtin dievdu Romssas lea áššáiduhtton neahttaveagalváldimis go galgá leat veagalváldán vuollel 14 jahkásaš mánáid Filippiinas, čállá NTB. 

Dievdu guhte áššáiduhttui suoidnemánu 1.beaivvi, váldui háldogiddagassii guovvamánus 2018:s ja lea čohkkán háldogiddagasas cuoŋománnui dán jagi, čállá NTB. 

 

Loavkašuhtti dáhpáhusat 

Áššáiduhttima mielde galget veagalváldimat dáhpáhuvvan neahta bokte, ja dat galget leat hui loavkašuhtti dáhpáhusat. 

Dievdu galgá leat váikkuhan dasa ahte earáin lea leamaš seksuálalaš oktavuohta mánáiguin vuollel 14 jagi, ja maiddái go galgá leat seksuálalaččat ovttastallan ovttain mánáin. 

 

NTB mielde lea Kripos veahkehan sihke guorahallat ášši ja ovttasbargat filipiinna politiijaiguin, mat mannan vahkkus burge ovtta báikki, gos muhtun veagalváldimat galget dáhpáhuvvan. 

Leat unnimusat ovtta máná gádjon, ja unnimusat guovttis leaba váldon gitta, go váruhit sudnos leat dahkamuš áššis. 

Politiijaid mielde lea dát guorahallan bissehan ja gádjon mánáid veagalváldimis, čállá NTB. 

-Almmuhus-