-Almmuhus-
-Almmuhus-
-Almmuhus-
GUOIMMUHEAPMI– Dán dihte mun in searvva dákkár gilvvuide

– Dán dihte mun in searvva dákkár gilvvuide

-

-

Namma: Anette Anti

Ahki: 36

Guovlu: Áltá

1. Makkár válggat leat dán jagi?

– Leat go suohkanválggat? Mun vástidan goit dan. Riekta!

Rievttes vástádus: Suohkan- ja fylkadikkiválggat

 

2. Mii lea čuonžá?

– Dan gal in dieđe. In leat goasse gullan dan ge. In mun hálit geahččalit árvidit ge ha-ha. Boastut!

Rievttes vástádus: Luossa mii goargŋu čázádagaide, muhto ii leat gođđoluossa.

 

3. Galli fylkkas Norggas ii leat mearragáddi?

– Ohoi… mun ja diet fylkkat! Ožžon dušše diekkár váttes gažaldagaid dál. Dál gal čuožžu áibbas jaska. Mun in oba fuobmá ge! In sáhte vástidit dien gal. Boastut!

Rievttes vástádus: Guovtti fylkkas ii leat mearragáddi.

 

Árvádus:

Anette vállje alit ivnni árváduskategoriijas. Das sáhttá oažžut 10 čuoggá.

Manin Japánalaš ii daja giitu biepmu ovddas?

– Haha… manne son nu? Ferten jurddašit veahá. Mun in jáhke doppe lea dat vierru. Soaitá danin go sii eai leat nu hubmás olbmot. Nie mun jurddašan goit. Boastut!

Rievttes vástádus: Son ii huma sámegiela

 

Čuoggá oktiibuot: 0,5

– Dán dihte mun in láve searvat dákkár gilvvuide. Mun in láve nu čuovvut mielde diekkár áššiin. Huff…manai gal hejot, muhto bealle čuoggá goit lea buorre maid.

Anette Anti ja Johan Heandarat Lantto leaba náitaleamen geasset.

Anti muitala ahte lea olu mii galgá dahkkot ovdal heajaid mat leat borgemánus.

– Munnos ii leat geasseluopmu gal! Juste dál lean Kárášjogas ordnemen čiŋaid!

 

Anette Anti hástala iežas nieidda Ellen Anne Anti Sara searvat Ávvira geassegilvui.

-Almmuhus-