– Dá lea geasseluopmoleaika!

1. Mo de leat bohccos čoarvvit jus lea giellanoaivi?

– Čoarvvit mannet hui ovddos guvlui, measta logan diekkár čoarvvit mat mannet hui maŋos jađe jorgaladdet ovddos guvlui, dego dakkár arvedávgi jus nu sáhtášii lohkat. Mun in dieđe gal sihkkarit movt giellan­oaivi lea. Amma hal dat ferte leahkit juoga čoarvegielain. Seammat dat lea diekkár čoarvi ovddabealde jus mun nu vástidan. Čoarvi mii manná ovddasguvlui mas sáhttá čoarvegiela ráhkadit. Boastut!

Rievttes vástádus: Giellanoaivi lea go čoarvegeažit mannet oktii, dahje measta oktii.

2. Makkár mánu ávvudit mii áhčiidbeaivvi?

 – Lea go son dat golggotmánu? A-a guovvamánu.. hmm aa de gal lea eatniidbeaivi.. jua dat lea skábmamánus.
Fertejin jurddašit dalle go etniidbeaivi lea ja dat lei
guovvamánus. Riekta!

3. Makkár jagi jámi Michael Jackson?

 – Dat lei 2009:s. Lea logi jagi áigi juste dál. Mun oainnestin dan eitto muhtin sajis, in muitte gal gos. Riekta!

Árvádus:

Johan Matteus vállje alit ivnni árváduskategoriijas.

Mus leat njeallje suorpma ja okta bealgi, muhto in eale. Mii lean mun?

– Oi oi oi… dien ii leat buorre diehtit. Hmm… galgá leahkit juoga mii ealla. Maid mun galggašin árvidit? Diet lei oalle váttes árvádus. Dat ferte leahkit čuoika. A-a dat gal ealla. Mun in dieđe in ge duostta árvidit. Boastut!

Rievttes vástádus: Suorbmafáhcca

– Ha-ha… oja dien muttes váttes árvádus dat lei!

Čuoggá oktiibuot: 2

– Dá lea dieđusge diekkár geasseluopmoleaika, nuvt dan ferte beare váldit dan movttegismielain. Ii dat ábut!

Johan Matteus Triumf hástala Lemet Ante Sara searvat ávvira geassegilvui.

Njunnožis!

Namma: Martin Rimpi
Ahki: 53
Galle čuoggá: 18