Almmuhus

Almmuhus

– Mun háliidan 15 čuoggá!

Anna Helene Eira Persen Priváhta govva

Namma: Anna Helene Eira Persen

Ahki: 33

Guovlu: Kárášjohka

1. Man lávlagis lea ná teaksta: «Mana cealkke daidda ahte min eatnamiidda ii leat dušše beare boahtit hearjidit»?
– Dat lea sihkkarit Mari Boine. Lea go diet «dududuuuuduu»? Mii dat lea namma dien lávlagis? Sápmi lea heitot mun jáhkán. Boastut!
Rievttes vástádus:  Niko Valkeapää - Leatgo friija?

2. Guđe Eurohpá riikkas lea guhkimus mearragáddi?
– Ohh… die gal ledje beare váttes gažaldagat! Mun dajan Norga. Riekta!

3. Guđe jagi ilmmai vuosttaš «Vulle Vuojaš» bláđđi?
– Vulle vuojaš, hmm…dat ii lean várra nu áigá. Mun gal in dieđe. 1997:s dat lohket dáppe dat earát. Mun ferten dadjat -97. Boastut!
Rievttes vástádus: 1987

 

Go Anna Helene ii vástidan riekta buot golbma vuosttaš gažaldagaide, de son ii mannan viidáseappot gilvvus, muhto son beassá geahččalit vástidit ovtta árvádusa mainna sáhttá oažžut 5, 10 dahje 15 čuoggá, dan mielde guđe ivnni vállje.

Rukses árvádus lea váddáseamos, ja jus dan vástida riekta, de oažžu 15 čuoggá.

Alit árvádusain oažžu 10 čuoggá ja ruoná árvádusain 5 čuoggá.

– Mun dat gal háliidan 15 čuoggá!, dadjá vástida Anna Helene.

Anne Helene vállje ge rukses ivnni mii lea buot váddáseamos árváduskategoriijas ja oažžu dán árvalusa:
 

Máhtes lea fárppal mii deaddá 20 kilo. Máhtte ráhkada juoidá fárpalii, ja fárppal geahppu. Maid ráhkadii son fárpalii?
 

– Mii lea fárppal? Jáhkán dat lea ráhkkanus mii lea ráhkaduvvon muoras. Vuoi hearrán mun goit dieđán dan, muhto ii dat boađe oaivái dál. Jus son ráhkada juoidá das, dat ferte ráhkadit eará ávdnasa. Na…mun in dieđe, ferten beare massit dáid čuoggáid. Boastut!
Rievttes vástádus: Ráiggi

Čuoggát oktiibuot: 1

– Na vuoi! Gal dat lea maid buorre, lean goit mielde gilvvus!, lohká Anna Helene.

 Anna Helene hástala Nils Jørgen Utsi searvat Ávvira geassegilvui.

Njunnošis gilvvus: Elen Marianne Utsi, 15 čuoggáin.

Ovdasiiddus dál