-Almmuhus-
-Almmuhus-
-Almmuhus-
OĐĐASATMo páhkket biilla lupmui?

Mo páhkket biilla lupmui?

-

-

Leat go vuolgime biillain vuodjit lupmui? Dán áššis beasat lohkat mo biilla sihkarastit ovdal go vuoddját. 
 

Juohke jagi vulget duháhiid mielde norgalačča biilalupmui, ja oallugat vudjet olgoriikkas.

Muhto juohke njealját olmmoš páhkke boastut biilla sihkarvuođa ektui, čájeha jearahallaniskkadeapmi. 

– Lea dehálaš páhkket biilla riekta go galggat vuolget tuvrii. Álkit daddjon galget losimus diŋggat vuolemussii ja ovddemussii gálvolanjas. Das de reasta gálvvu bijat ala. Go leat buot gálvvu ožžon biilii, de galggašii gárrat gitta, dahje bidjat sihkarvuođaneahta badjel. Iige ábut vajalduhttit ahte go biila lea áibbas dievva, de sáhttá vuodjiniešvuohta rievdat mearkkašahtti, dadjá Øyvind Setnes eastadanekspearta Tryg Forsikringas. 

 

Bohtal sáhttá várálaš

Jus šattat fáhkka goazastit vuojidettiin, de fertet muitit ahte leat garra fámut jođus.

Okta diŋga šadda 30 geardde losibun go fáhkkagoazastat 50 km/d.

Dainnalágiin sáhttá bruvsa deaddit 15 kilo jus goazastat fáhkka. Dievva koaffar, mii deaddá 20 kilo, deaddá de 600 kilo. 

– Jus garrasit goazastat dahje oktiibeaškehat, de sáhttá unna dinggaš dagahit stuora vahága jus deaivá muhtima biillas. Buot mii lea luovos lihkkasa jus fáhkka goazastat go leat vuodjime 90 km/d. Fertet jurddahit mii de dáhpáhuvvá, ja sihkkarastit diŋggaid ovdal go vuoddját, dadjá son. 

 

Ná páhkket biilla ovdal go vuoddját:

  •  Losimus diŋggat vuolemussii ja ovddemussii gálvolanjas. 
  • Dipmá diŋggaid bajemussii. 
  • Geavat liigebáttii dahje sihkarvuođaneahta sihkkarastit gálvolanja. 
  • Sihkkarastte luovosdiŋggaid maid biillas. Ale bija hildui, baicca uksii dahje biilačohkkánsaji lummii. 
  • Ale páhkke gálvvuid badjelii go leat stuolut biillas.
  • Jus beana dahje bussá lea mielde, de ávžžuhuvvo geavahit mátkkoštanbuvrra dahje erenoamášsboahkána. 
  • Geavat neahta gálvolanja ja maŋŋečohkkánsaji gaskkas. 
  • Várut ahte neahttabreahtta/DVD-šearbma leat biddjon nu go čujuhuvvo galgá du biillas. 
  • Jus leat stuora diŋggat maŋŋečohkkánsajis, bija láhttái daid. Dahje bija gitta biilaboahkániin daid. 
  • Jus maŋŋečohkkánsajit leat guoros, bija gitta biilaboahkana. Dat doaibmá skuoljan ja stuolločielgi luoitá jus goazastat garrasit. 
     

​​

-Almmuhus-