Namma: Elen Marianne Utsi
Ahki: 20
Guovlu: Máze
1. Gii lea čállán «Girddán, seivvodan»?
– In mun gal dieđe, lea go Máret Anne Sára? Boastut!
Rievttes vástádus: Áillohaš/ Nils Aslak Valkeapää
2. Mii murjjiid láddá vuosttažin Sámis?
– Naa … Lea go son dat čáhppesmuorji vai mii das lea namma? Čáhppesmuorji dat lea várra. Boastut!
Rievttes vástádus: Luomi
3. Galle geardde lea Sámi Grand Prix lágiduvvon?
– Lei go dat dán jagi? Vai lei go diibmá? Lea go lohpi googlet? Mun vástidan 31. Boastut!
Rievttes vástádus: 30. geardde
Árvádus:
Ellen Marianne válljii rukses ivnni, mii lea buot váddáseamos árváduskategoriijas, ja oažžu dákkár árvádusa:
Dávvet lei olgun vázzime go arvváskii. Sus ii lean arvesuodji iige oaivesuodji. Sus njuske buot biktasat, muhto ii oktage vuokta su oaivvis njuoskan. Mo nu sáhttá?
– Sus eai lean várra vuovttat. Riekta!
Galle čuoggá oktiibuot: 15
– Dat gal lei buorre, go in máhtán ovttage gažaldaga!
Njunnošis
Namma: Elen Marianne Utsi. Galle čuoggá: 15
