Almmuhus

Almmuhus

Boahtte vahkku horoskohpa

Vuorkágovva

Dán vahku horoskohpa guoska Suoidnemánu 1.-7. beivviide. 

Almmuhuvvuon: 
Sotnabeaivi, 30 Geassemánu, 2019 - 18:05
Ođastuvvon: 
Ođastuvvon: 30.06.2019 - 18:15
Gilkorat: 
Fáddásánit: 

FIERCA

21/3-19/4

Dál de lea dat áigi boahtán goas beasat buori láhkái leabbát.

Čájet dovdduid.

Daga áigumušaidat, it dušše alccet ávkin, muhto maiddái dan buoremusa earáide.

Buoremus lea ovttastahttit bargguid, muitalit earáide maid.

Dus lea vejolašvuohta buoridit daid boasttuvuođaid maid leat bargan ja álggahit vahkku buhtes gieđaiguin.

 

VUOKSÁ

20/4-21/5

Dus leat áššit jorran oaivvis guhkit áigge juo.

Dál de lea áigi daiguin bargat juoga.

Suohtastala daiguin mat leat álkit ja dutnje lahka.

Don dárbbašat geavahit návccaidat, muhto ii fal dasa mii gáibida ollu jurddašeami.

Mađi álkkit, dađi buoret.

Muđui lea dál buorre vahkku návddašit buori borramuša ja njálgga juhkamušaid buori oktavuođas.

Rámit earáid, ja dutnje šaddá dalle somá.

 

JUMEŽAT

21/5-21/6

Ain barggat johtilit.

Loahppavahkus lea dehálaš leavttu ložžet ja jurddašišgoahtit.

Jus áibbas bissána, ale geahččal dan johtui bidjat.

Buot jallamus mii sáhttá geavvat, lea áššiid doaimmahit johtileappot go sáhttá.

Mađi eanet don doamat ja vuorjjat, dađi njoazibut manná.

Bosát ja váldde gulul.

Buot ordnašuvvá.

 

REABBÁ

22/6-22/7

Galggat duođas váldit iežat, ja iežat dovdduid.

Don movttiiduvvot bargat dan maid háliidat.

Biso nu mo don háliidat.

Návddaš dan maid liikot, ja juoge dan maid illudat juohkit.

Ale leat hánis, udno alccet valljivuođa.

Váldde vuostá duđavašvuođain ja movttain dan maid oaččut.

Badjelmeare udjuvuohta ii ovddit du dán vahkus.

 

LEDJON

23/7-22/8

Dál lea dus vuoibmi bargat juoga iežat nieguiguin.

Seammás lea dehálaš ahte čuovut siskkáldas dovdduid.

Dat orru dutnje vehá eaimmaskas.

It dieđe buot háviid manin don dan barggat, muhto dovddat váimmus ahte lea riekta ja dehálaš dat maid barggat.

Praktihkalaš bargguin galggat leat dárkil ja vuđolaš.

Go stoagat, de sáhtát duolmmastit leavttu.

 

BUHTISNIEIDA

23/8-22/9

Atte saji siskkáldas eallimii ja ovddosguovllu plánaide.

Du dagut váikkuhit doaimmaide boahtteáiggis.

Smiehta makkár válggaid dagat.

Jus it dieđe maid áiggut, ja mii lea riekta, guldat iežat siskkáldas dovdduid.

Galggat duođas váldit dan maid don ihkkenassii leat.

 

VIEHKAT

23/9-22/10

Dál lea áigi bargat juoga iežat plánaiguin ja fuomášumiiguin.

Dál leat ráhkkanan dasa bures.

Galggat leat dihtomielalaš maid áiggut, vai sáhtát rievdadit dan jus ii mana nu mo ledjet háliidan.

Jus dus lea plána, de čuovo dan, muhto dan bottas galggat maid niegadit.

Buoret lea buori áiggi dasa bidjat ovdal go áibbas buđđosit.

 

SKORPIUVDNA

23/10-21/11

Dus lea nana ja lunddolaš áddejupmi.

Geavat dan.

Luohte iežat dovdduide ja attáldahkii fáhtet dan mii ii leat daddjon ja vuollásaš dovdduide.

Dán vahkus sáhtát luohttit eanet dovdduide ja lunddolaš áddejupmái, ovdalii go sániide ja čáppa lohpádusaide.

Du jierpmálašvuohta ii boađe jurdagis, muhto du áddejumis, mii lea duohta ja dehálaš.

Geavat jierpmi, de šaddá dutnje buorre vahkku.

 

BÁHČČI

22/11-21/12

Dál ii leat vuogas áigi čiekŋudit nieguide.

Oassálastte doppe gos dáhpáhuvvá.

Iskka dovdduidat, ale ge smiehta maid galggašit oaivvildit ja maid dovdat.

Čájet ahte leat duođalaš go earáiguin deaivvadat.

Dán vahkus čiekŋuduvvo ráhkesvuohta, ja váibmu maid rahpasa.

Dat ii leat dat idealisttalaš oassi ráhkesvuođas, muhto dat albma ja duohta mii čatná du oalát gitta.

 

BÁKTEBOHKKÁ

22/12-19/1

Jus sáhtát čaibmat iežat, de sáhttá dát vahkku šaddat áibbas somá.

Muhto jus leat duođalaš ja allamielalaš, de šaddá viehka galbma vahkku.

Buot olbmuin lea viehka ollu maid fállet.

Čájet sidjiide ráhkesvuođa, ja váldde vuostá maid sii addet.

Árvvus atnit guoimmi ja earáid geain beroštat, dat lea buot deháleamos.

Váldde vuostá, ale ge geahččal leat oktobirgejeaddjin ja iešheanalažžan.

 

ČÁHCEOLMMÁI

20/1-18/2

Háleš singuin geat beroštit dus.

Muital maid jurddašat.

Dat mii guoská bargui ja vuohkái mo eallima lážát, de lea dál vuogas bargat juoga ođđa.

Guođe boares dábiid, ja gávnnat ođđa dábiid.

Jus leat čadnon boares gáttuide, de lea dál áigi oaidnit áššiid rievttes oktavuođas.

Daga dan maid liikot, ja liiko dan maid barggat!

 

GUOLIT

19/2-20/3

Romantihkka, stoahkan ja hutkáivuohta lea dál dus badjin.

Jus lea miella juoga ođđa bargat, de lea dál áigi dan dahkat.

Jus dieđát dál jo maid áiggut ja mo beassat dohko, de mana.

Oaidnit iežat movttain ja neutrála beliin veahkeha du viidáseappot.

Don eanaš háviid dieđát maid áiggut ja maid liikot bargat.

Ale čohkká ja vuordde, geavat jierpmi organiseret máilmmi vai geavvá nie.

Ovdasiiddus dál