Finnmárkku fylkkagielda lea ožžon Seastinbáŋkovuođđudus Seastinbáŋku 1 Davvi-Norggas miljovdnabeale ruvnnu 2019:s lágidit geasseskuvlla fidnofágaohppiide.
Lea guđat jahki go Seastinbáŋkovuođđudus addá juolludeami fylkkagildii.
Almmolaš ruhtaaddin dáhpáhuvvá fylkadikkis Kárášjogas duorastaga Sámedikkis, ja de boahtá Seastinbáŋku 1 konseardnadirektevra Trond Hanssen geiget skeaŋkka fylkkasátnejođiheaddjái Ragnhild Vassvikii.
Fálaldat njealji skuvlii
Joatkkaskuvllat mat čađahit geasseskuvlla leat Hámmárfeasttas, Álttás, Girkonjárggas ja Čáhcesullos.
Eanaš geasseskuvllat álget dán vahkku ja fállun leat geasseskuvlemat matematihkas, luonddufágas ja eŋgelasgielas.
Ulbmiljoavkun leat oahppit geat eai leat ožžon dohkkehuvvot oppalašárvosáni fágain dahje oahppit geat eai leat ovddit jagiid ceavzán.
Dákkár fálaldagat leat veahkehan sulli 200 oahppi ceavzit fágaid, mii lea fas dagahan sullii 150 ođđa oahppošiehtadusa.
