Almmuhus

Almmuhus

Gaskavahkku gullojit fas alla signálat miehtá Norgga

Dákkár jietnarusttet gávdno muhtin báikkiin Norggas, ja gaskavahkku geahččalit fas jietnarusttega geahččan dihte doaibmá go nu go galgá. Govven: Odd Skarbomyr, DSB

Gaskavahkku diibmu 12:s geahččaladdá Siviilasuodjalus signálajienaid «Dehálaš diehtu – guldal rádio» buot suohkaniin gos dakkár dieđihanrusttet gávdno.

Almmuhuvvuon: 
Maŋŋebárga, 11 Geassemánu, 2019 - 15:43
Ođastuvvon: 
Ođastuvvon: 12.06.2019 - 09:24

Siviilasuodjalus geahččaladdá dieđihanrusttega guovtte geardde jagis, ođđajagemánus ja geassemánus. Dalle gullo jietna golmma geardde ja lea minuhta gaska juohke jietnadagas. 

Go gulat jiena, de lea jurddašuvvon ahte galggat ohcat lagat dieđuid ovdamearkka dihte rádios, TV:s, kriseinfo.no neahttasiiddus ja sosiála mediain.

 

Dieđihit vára

Miehtá riikka gávdnojit sullii 1250 dieđihanrusttega main lea jietna, mii galgá dieđihit olbmuide go lea fáhkka várra. Rusttet sáhttá geavahuvvot sihke ráfi áiggi ja soađi áigge go galgá dieđihit ássiide ahte lea fáhkka várra juoga mas.

– Ráfi áiggi sáhttá dieđihanrusttet geavahuvvot jus lea industriijalihkohisvuohta gos suđđet dahje golget mirkkut dahje eará várálašvuođat. Jus lea soahti, de sáhttet jietnarusttega geavahit jus ballet girdiiguin fallehuvvot, čilge Servvodat ja gearggusvuođa direktoráhta (DSB) direktevra Cecilie Daae preassadieđáhusas.

 

Siviilasuodjalus geahččaladdá rusttega dan ulbmiliin vai oidnet doaibmá go, ja dárbbašuvvo go divoduvvot.

 

Ovdasiiddus dál