–– Mus gal lea hui ollu bargu, muitala eaktodáhtolašbargi Risten Elle Siri.
Ábas eaktodáhtolašguovddáš doallá rabas rámbuvrra juohke mánnodaga, distaga ja duorastaga. Rámbuvrras vuvdet adnondávviriid ja lea Risten Elle Siri gii bargá eaktodáhtolažžan.
Son muitala ahte lea dehálaš dákkár rámbuvra, go máilmmis lea nu ollu sáhka nuppesgeavaheami birra, ja dat lea maid buorre ahte olbmot eai dárbbaš mannat rámbuvrii oastit áibbas ođđa diŋggaid go máilmmis gávppašit juo nu ollu diŋggaid.
– Dáppe leat ollu olbmot, čađa gaskka goit, go mus lea rabas. Mus lea rabas mánnodagaid, distagaid ja duorastagaid, dalle leat čađa gaskka olbmot. sihe dakkárat geat gávppašit ja sii geat buktet diŋggaid vuovdemassii.
Siri muitlala ahte nuppes atnit diŋggaid lea dehálaš, go dat sudje luonddu, ja unnida ođđa diŋggaid oastima.
– Mun jurddašan dainna lágiin ahte dán aiggi lea dat luonddugáhtten, suddjet luonddu ahte don it oaste nu ollu biktasiid maid it dárbbaš.
Son muitlala maid ahte Ábas rámbuvrras sáhttá oastit biktasiid maid earát leat geavahan, dan sajis go mannat oastit biktasiid rámbuvrras. já dáinna lágin suddjet luonddu ja oastima.
– Dáppe sahttá oastit biktasiid maidda eará olbmot leat gallánan ja máksit das logi ruvnna, ovdal go mannat rámbuvrii oastit seammálágan biktasa mii máksá 200 ruvnno.
Ábas eaktodáhtolašguovddáš lea báiki gos eaktodahtolaččat barget. Ábas bargá iešguđet ge organisašuvnnaid ovddas Guovdageinnus mávssu haga.
– Mu bargu frivillighets sentralenis dahje eakdodáhtolašguovddážis lea ohcat servviin, omd penšunistasearvái gavdnat nuvttá veahki, eaktodáhtolaš vehkiid go dat áigot lagidit maide. Vuorrasit olbmuide jus dat darbbašit veahki, dálvet muohttaga čorget, geasset suiiniid ládjet. De mun geahččalan gávdnat sidjiide nuvttá veahki.
Ábas eaktodáhtolašguovddáš addá ruđaid maid rámbuvrras dinejit, iešguđet doaimmaide. Ja sii leat juo oastán EL-sihkkeliid boarrásiid siidii, ja leat maid oastán meahcceávdnasiid maid sáhttá luoikkahit go tuvrii vuolgá.
–Dán jagi mii áigut oastit juovlačuovggaid maid bidjá luoddagurrii. Pitstopa ráes, Rema rádjái.
Ábas eaktodáhtolašguovddážis lea okta eaktodáhtolašbargi ja son lea Risten Elle Siri.
Siri muitala ahte lea ollu bargu sutnje, go lea okto bargi ja son bargá boarrásiiguin doaibmaguovddážis golmma geardde vahkkus. Mánnodagaid, gaskavahkuid ja duorasdagaid. Mánnodaga ja duorastaga son ráhkada beivebiepmu ja gaskavahku son málesta fas lieggabiepmu.
– Mus gal lea hui ollu bargu, mun barggan boaresolbmuiguin golbma beaivvi vahkkus.
Siri muitala maid ahte barggut maid son bargá lea gavppašit, ja ráhkađit biepmu boarrásiidda. Gaskavahku go son málesta, dasa livččii hui buorre oažžut veahki.
– Gaskavahku mun ráhkadan mállásiid, ja dasa mun galggašin oažžut maid veahki. Soapmása gii sáhtášii máleštit.
Boarrásat boradit guovtti áigge, ja Siris manná olles iđitboddu gávppašit ja ráhkadit borramušaid. Ja son bargá vel rámbuvrras masa maid manná ollu áigi. son muitala ahte lihkus sus ii leat go beannot beaivi kantuvrras.
– Mus ii leat lihkkus nu beare ollu kanturbargu.
