Almmuhus

Almmuhus

Horoskohpa

Vuorkágovva

Dán vahku horoskohpa guoska Geassemánu 3.-9. beivviide. 

Almmuhuvvuon: 
Vuossárga, 3 Geassemánu, 2019 - 18:00
Gilkorat: 
Fáddásánit: 

FIERCA

21/3-19/4

Dál lea erenoamáš buorre áigodat bissut doppe gos leat ja bargat dan maid háliidat.

Ii leat ruotnaseabbo nuppe beal joga justa dál.

Soitet gávdnot erenoamáš dávvirat justa gos dál leat? Geahčas fal birrasat ja smiehtas maid don anát árvvus.

Geahča mat dan ođđa čalmmiiguin.

Fuomáš suohttasiid doppe gos dál leat ja ane daid árvvus.

Das boahtá ollu buorre.

VUOKSÁ

20/4-21/5

Dát vahkku addá vejolašvuođa buoridit ja ovddidit buoret guvlui dan mii dus dál lea.

Jus lea juoga maid áiggošit gávnnahit, de geahččal burgit ja guovdilastit áššiid.

Ane árvvus dan buori ja čábbodaga mii lea liibban dál vásihit.

Mađi eanet don ráhkistat iežat ja dan barggu, dađi eanet sáhtát juogadit earáiguin.

Galggat leat utnolaš juogadit earáiguin dan riggodaga mii dus lea.

JUMEŽAT

21/5-21/6

Dan maid dál buot eanemusat háliidat, dat eai leat dat eatnanlaš dávvirat, muhto baicce dat mii guoská váibmui.

Dál lea nu somás áigi liikostit, muhto muitte niegut sáhttet earáhuvvat go dat duohtan dahkkojuvvojit.

Dán áigodagas sáhttá leat somá niegadit ja plánet it ge dattetge dárbbaš maidige bargat daiguin.

Deháleamos lea teoriija dahkat praksisan, dat mii váibmui guoská.

REABBÁ

22/6-22/7

Jus áiggošat maidige bargat, de ferte dat bargu guoskat dovdduide.

Bargat juoga mii caggá dovdduide, dat dagaha váttisvuođaid.

Dáid beivviid lea nu vuogas ovttastallat buriid ustibiiguin.

Soaitá ráhkesvuohta maid bohciidit.

Dat sáhttet leat boares dovddut mat badjánit, dahje juo ođđa vejolašvuođat buollát.

LEDJON

23/7-22/8

Mo jus barggat dan maid duođaid lea miella? Bovde olbmuid geaidda liikot, ja juogat vásáhusaid.

Dál lea maid vuogas áigi váccašit luonddus fulkkiiguin ja skihpáriiguin.

Soaitá maid leat áigi plánegoahtit olgoriikamátkki muhtimiiguin geaidda liikot.

Jus liikot jaskavuhtii, de lea dál dat áigi návddašit buoremus láhkai justa doppe gos dál leat.

Geahča daid vejolašvuođaid mat fállojuvvojit.

BUHTISNIEIDA

23/8-22/9

Dán vahkus lea buoret ovdagihtii smiehttat go easka maŋŋá.

Lea dehálaš ahte it smiehta dušše jirpmiin, muhto váibmu maid ferte dohkkehit daid mearrádusaid.

Álgovahkus heaŋgasa jierbmi gáržásit.

Danin lea dehálaš diehtit maid don anát árvvus, ja mii dutnje lea dehálaš.

Dalle sáhtát oaidnigoahtit mii lea buorre, ovdal go geahččalit garvit daid heajut beliid.

VIEHKAT

23/9-22/10

Olggobeallái oadjebasvuođadili mannat dál sáhttá leat hui vuogas.

Danin ávžžuhuvvot ge dohppet muhtin liibbaid ja geahččalit áššiid mat muđui orrot vehá balddihahttit.

Čájehuvvo ge ahte danin orru balddihahtti go don liikot dasa nu bures ja lea miella dan bargat.

Ja de balat dat ii mana nu bures.

Geahččal, ja návddaš eallima dán vahkus.

SKORPIUVDNA

23/10-21/11

Don fuomášat ahte it sáhte čiehkádaddat.

It buoris itge váddásis.

Don ávžžuhuvvot leat nu čielggas go vejolaš.

Daja maid háliidat, ja maid it hálit.

Čorget boasttuáddejumiid dagaha eallima nu olu álkibun.

Dál lea nu buorre áigi čohkket návccaid.

Jus lea vejolašvuohta válljet, de vállje ráhkesvuođa ovdalii riidduid dán vahkus.

BÁHČČI

22/11-21/12

Vahkku álgá jaskadit, muhto de bidjá leavttu ja hurgigoahtá.

Loahppavahkus fertet doallat njuokčama njuolga ja čuovvut mielde nu bures go vejolaš.

Ii leat álo ahte ieš beasat mearridit gosa eallin doalvu, muhto liikká fertet álo válljet.

Ale jáhke don beasat beare čohkkedit ja diktit hurgit iešalddis.

Dat ii mana.

Galggat leat gozuid alde, čuovo mielde ja vállje daid válljejumiid mat du mielas orrot riekta.

BÁKTEBOHKKÁ

22/12-19/1

Ráfi ii leat dat buoremus, muhto dat ahte juoga áiggošit.

Don jáhkát ahte ráfi šaddá danin go lea ráfálaš.

Nie ii leat.

Don gávnnat ráfi das go barggat daid bargguid mat galget dahkkot, ja guođát daid áššiid mat lossudit.

Dál lea vuogas áigi stoahkat.

Muhto das gáibiduvvo organiseren ja doaibma jus galgá doaibmat.

Dat fáhkkestaga doaimmat ja ráhkesvuođaplánat vázzet giehtalaga.

ČÁHCEOLMMÁI

20/1-18/2

Divtte barggu ja friddjaáiggi vázzit giehtalaga.

Álgge áinnas bargat juoga masa dus lea miella, muhto dasa gáibiduvvojit liigenávccat geargat.

Muhto don sáhtát maid bargat dušše dan mii ferte bargot.

Fuomáš fal ahte jus dušše veháš barggastat, de sáhttá leat somá ja boktá maid stoahkalasvuođa dus.

Deháleamos lea dovdat oadjebasvuođa iežat rupmašis ja alddát.

Eale iežat máilmmis, ja divtte earáid maid dahkat seamma.

GUOLIT

19/2-20/3

Dál lea erenoamáš buorre gearggahit bargguid.

Nu mo vahkku ovdána, de lea háhkanvejolašvuohta doaimmaide ja návccaide.

Dat stuorámus várra lea ahte šaddet menddo ollu válljenvejolašvuođat ja itge nagot válljet, ja de geavahat návccaid viehkat ovdan ruoktot, vejolašvuođaid gaskkas.

Daga álkidit.

Geahča maid háliidat.

Dohppe dan mii doalvu du dohko gosa dárbbašuvvot, ja álgge.

Ja fáhkkestaga leat buot dahkkon.

 

Ovdasiiddus dál