Almmuhus

Almmuhus

Báhčči galgá diktit jurdagiid leavvat, jumežat fertejit ges mihtuid bidjat

Vuorkágovva

Dán vahku horoskohpa guoska Cuoŋománu 8.-14. beivviide. 

Almmuhuvvuon: 
Vuossárga, 8 Cuoŋománu, 2019 - 10:32
Gilkorat: 
Fáddásánit: 

FIERCA

21/3-19/4

Vahkku álggahuvvo olu vejolašvuođaiguin.

Dasa leat dovddut čadnon, ja váttis lea diehtit maid háliidivččet.

Lea buorre luohtit dasa ahte eallin guoddá du viidáseappot, maid dal jo válljeseaččat.

Dan maid válljet, dat ii leat dat deháleamos, muhto dat ahte don beasat ovdánit go válljet ja dohppet vejolašvuođaid.

Geavat iežat attáldagaid ja návccaid mat dus leat.

Iežat geavahit lea deháleabbon go dat bohtosat justa dál. 

 

VUOKSÁ

20/4-21/5

Geahča ovddosguvlui.

Gos háliidivččet leat muhtin jagiid geahčen? Mii lea dus niehkun? Dál áiggošit visot daid maid háliidivččet.

Muhto dán vahkus čájehit niegut gosa guvlui bidjalat ja maid galggat bargat.

Go dan de leat bargan, de lea álggahit bargguin ja doaibmagoahtit.

Niehku lea seaktin mii heaŋgá njunevuolde movttiidahttin dihtii bargamis dan barggu mii galggašii dahkkot.

 

JUMEŽAT

21/5-21/6

Báže luođaidat menddo bajás.

Bija mihtuid.

Olakeahtes mihtuid.

Dat mii movttiidahttá lea dat ávkkálaš dovdu mainna dál barggat.

Jus das it gávnna ávkki ja ovdagova, de gal šaddá losses vahkku.

Jus gávnnat mihtuid ja oaiviliid, de dat losimus dovdo geahpas.

Lea dehálaš ahte bisánasttát ja guldalat iežat árvvuid, vai it dajuhuvvo earáid nieguin.

 

REABBÁ

22/6-22/7

Dán vahkus lea buorre dovdat ja áddet mearkkašumi ahte don leat don, muhto it dušše beare don.

Go don leat don, dat lea oassi das maid ráhkistat ja mas beroštat.

Jus dat ráját earáid gaskkas sihkkojuvvojit, dat ii leat nu váralaš.

Beare don leat čielggas das mii dutnje lea mearkkašahtti.

Galggat leat ovddasteaddjin buohkaide geaidda dovddat oassin.

Dán vahkus lea ráhkesvuohta dat stuorámus skeaŋka man earáide sáhtát addit.

 

LEDJON

23/7-22/8

Mii lea stoagus ja mii lea bargu? Don ávžžuhuvvot barggu bargat stohkosiin, ja stohkosa fas bargun.

Dat mii mearrida lea dat go illudat bargguin, dahje dovddat go dan noađđin, ja maid don ieš oaivvildat dainna bargguin.

Jus gávnnahat dat lea addevaš, de šaddá nu stoagus de.

Jus leat čadnon bohtosiidda, de johtilit leat barggut badjemearálaččat.

Lossa bargu sáhttá leat maid áibbas somán.

 

BUHTISNIEIDA

23/8-22/9

Várut fal gierdameahttunvuođas, heajos gulahallamis ja heajos oamedovddus.

Du bargu lea dál oaidnit earáin čáppavuođa, ja nu maiddái dus alddis.

Daga juoga geahččaleami.

Ale geahččal buoridit mange.

Geahččal dušše liikot daidda dávviriidda ja olbmuide nu mo dat leat, ja čájehit maid dan.

Álgge vuos iežat guottuiguin.

Ollu mii du mielas orru leat váttis, dat jávket jus it beroš dain.

 

VIEHKAT

23/9-22/10

Čáppatvuođa barggut! Dán vahkus sáhttet smávva giksedetálljat viehka muosehuhttit.

Du bargu ii leat jávkadit buot unohisvuođaid, muhto baicce oaidnit čábbodaga ja čájehit ráhkesvuođa daid smávva detálljaide.

Njuoskat liđiid.

Fuolat ahte seainnis leat dat rievttes govat, ja ahte dat heaŋgájit.

Čiŋat iežat birrasa.

Geavat attáldagaidat, ja illut bargguidat badjel ja dan maid dat addet.

 

SKORPIUVDNA

23/10-21/11

Ávvirastte dehálašvuhtii.

Lea vuogas jus it divtte moivváskuvvat smávva detáljjain ja mat eai leat mearkkašahttit.

Doalat dasa mii lea mearkkašahtti.

Mii lea mii mearkkaša? Maid don duođai háliidat? Váldde iežat duođalažžan, ja fuolat eallit dan eallima mii du mielas lea árvvolaš.

Dat stuorra niegut čiekŋuduvvojit dan juohkebeaivválaš eallimii, gos oaččut daid návccaid maid dárbbašat.

 

BÁHČČI

22/11-21/12

Divtte jurdagiid leavvat.

Niegat guhkás.

Muhto dan seammás doalahat duohtavuođa máilmmis.

Dán vahkus lea vuogas hárjehallat geahččat čielgasit mat du siskkáldas jurdagat leat, fuomášumit ja vejolašvuođat main sáhtát viežžat inspirašuvnna ja movtta.

Nubbi lea fas dat «duohtavuođa» máilbmi.

Dán vahkus fertet gávdnat vugiid vai sáhtát ideálaid ja ideaid geahččalit praksisas.

´

BÁKTEBOHKKÁ

22/12-19/1

Don gohččojuvvot bargat guokte ášši oktanaga.

Juoga mii ii leat nu álki Báktebohkkái.

Váldde gulul.

Dás eai leat oktiibeaškeheamit.

Nubbi lea geahččat mii galgá dahkkot ja dahkat dan, dan seammás go smiehtat juoga ođđa.

Lea dehálaš rahpat ođđa vejolašvuođaid, dan seammás go doalat juohkebeaivválaš eallima ja barggat dan maid galggat.

Rievdadusat bohtet go rievdadat oainnu bargui, ii ge dalle go gearggat.

 

ČÁHCEOLMMÁI

20/1-18/2

Oassálaste eallima spealus buot movttain maid jo fáhtešat.

Daja dan maid oaivvildat.

Juogat árvvuidat.

Jus dovddat ahte smiehtat ja oaivvildat eará go earát, de dat ii dagat du earáláganin.

Dus lea seamma skeaŋka juogadit máilmmiin go earáin ge.

Don ieš.

Biso earáin seammá dásis.

Biso nu mo don liikot leat, ja atte dan maid liikot addit.

Dat menestuvvá buot buoremusat dán vahkus.

Lihkus.

 

GUOLIT

19/2-20/3

Don sáhtát buokčalit čiekŋalassii ja olu dovddut badjánit dán vahkus.

Dovddut rahpasit goržin.

Ale geahččal daid doalahit gitta.

Dalle sáhttet buot buođut rahpasit ja fáhtehalat bárrui.

Buot jierbmámus maid dagat lea govdut rávnnji mielde ja unnimus láhkái vuostálastit.

Manin don galggašit vuosterávdnjái vuodjat, go lea álkit ja suohttaseabbo dánsut rávnnji mielde? Oainne fal bávttiid ja gierragiid mat gávdnojit birra eallima ádjaga!
 

Ovdasiiddus dál