Almmuhus

Almmuhus

Garrasit roasmme­huvvan olbmuid lohku njiejai 2018:s

553 olbmo roasmmehuvve garrasit johtolatlihkohisvuođain 2018:s. Dát lohku lea njiedjan badjelaš 16 proseanttain 2017 rájes ja lea vuolemus lohku goassege registrerejuvvon ođđasat áiggis. 

Almmuhuvvuon: 
Bearjadat, 12 Cuoŋománu, 2019 - 14:45
Fáddásánit: 

Statistihkalaš guovddášdoaimmahat almmuhii bearjadaga, cuoŋománu 12. beaivvi 2019, gaskaboddosaš logu man olu olbmot roasmmehuvve garrasit johtolagas 2018:s. 

Dan dieđiha MA – Rusfri Trafikk searvi preassadieđáhusas. 

Diibmá, 2017:s, roasmmehuvve 665 olbmo ja 2016:s lei lohku 656.

Juovlamánus registrerejuvvui ahte 24 olbmo roasmmehuvve garrasit, ja ovddit jagiid ektui njiejai lohku measta beliin.

Gaskamearálaččat lea 2010-2017 áigodagas leamaš lohku 46.

– Lea hui illudahtti sáhka go dál orru leamen johtolatsihkarvuođabargu viimmat čájeheamen bohtosiid go garrasit roasmmehuvvan olbmuid lohku lea nie olu njiedjan, lohká váldočálli Elisabeth F. Kristoffersen MA – Rusfri Trafikk dahje mohtorvuddjiid searvi mii bargá eaktodáhtolaččat eastadit gárrendili johtolagas ja buoridit johtolatsihkarvuođa. 

Su mielas čájehit dát logut ahte lea leamaš ávki bargat systemáhtalaččat ja guhkes áiggi vai johtolatsihkarvuođa buorrána. 

– Jus galgat olahit ulbmila ahte ii oktage dušša dahje roasmmehuva johtolagas, de dárbbašat mii veahki buohkain geat johtet johtolagas. Jus oažžut eanet olbmuid vuodjit čielggusin ja siivvu mielde, doalahit johtolatleaktorájáid ja geavahit biilaboahkána, de njiejašedje logut velá eambbo, lohká Elisabeth F. Kristoffersen. 

Ovdasiiddus dál